نجل محمد ثروت يكشف تطورات حالته الصحية

نشر المخرج أحمد ثروت، نجل الفنان محمد ثروت، على حسابه الخاص بـ"فيسبوك" صورة له مع والده كشف من خلالها عن تطورات حالته الصحية.

وكتب ثروت: "بعد أربعة أسابيع حجز في المستشفى لوحدي، أخيراً اتسمحلي بالزيارات والأستاذ محمد ثروت جالي وفطرنا النهاردة مع بعض ربنا يخليك ليا".

وأضاف: "وعايز أقول من غير ما اقلبها دراما إن ربنا كارمنا بنعم بيوريهالنا في تجمعاتنا كل عيد ومناسبة أولها رمضان اللي مالوش طعم من غير لمة عيلتك وصحابك حواليك وإنك تبقي بكامل صحتك! ياريت اللي ربنا كارمه بالنعم دي أو جزء منها مع إنك ممكن تشوفها بسيطة، استمتع بيها.. قدرها وحب كل تفاصيلها".

وتابع أحمد ثروت: "وأحمد ربنا عشان دي حاجات ملهاش تمن واللي بيعدي منها مابيرجعش.. فحاول تتأمل في فضل ربنا واشكره دايماً على نعمة العيلة والصحاب".

واختتم ثروت حديثه: "وفعلاً رمضان في مصر حاجة تانية.. رمضان كريم".

شارك