غادة عبد الرازق تعلق على أخبار خلافها مع أحمد زاهر وتصدم الجمهور بهذا التصريح

ردّت الفنانة غادة عبد الرازق، على التصريحات التي أدلى بها الفنان أحمد زاهر في أحد لقاءاته التلفزيونية حول خلافاته معها، والتي أكد خلالها أنه توجد عداوة بينه وبينها من بعد آخر عمل جمعهما وهو مسلسل "حكاية حياة".

وقالت غادة في تصريحات إعلامية: "هو بيقول حاجة وهو مش متأكد منها عمري ما كان عندي مشكلة مع أحمد، عمري ما اتخانقت معاه أو شدينا في الكلام، أنا مش مسؤولة عن كلامه، ليلى أحمد زاهر مرشحة معايا لمسلسل "تلت التلاتة" من البداية لحد دلوقت، حتى لو كان عندي مشكلة مع أحمد عمري ما أدخلها في الشغل".

واستكملت: "أنا عندي نظرة في الممثل اللي مش لازم يبقى دايمًا بيعمل الدور ده، راهنت على محمد القس وراهنت عليه أكتر لما عمل كوميدي، هو ممثل شاطر جدًا وعشان كدا هيقدم دور مختلف في مسلسل تلت التلاتة".

وصدمت غادة جمهورها بعدما صرحت بأنها لا تصوم رمضان إذا كانت منشغلة في التصوير بأعمالها.

وتابعت: "علشان أكون صريحة، لما بيكون عندي تصوير مش بصوم لأني مش بقدر، خاصة أني باخد أدوية ومناعتي ضعيفة وممكن أشتغل من سبعة الصبح لحد 1 أو 2 الصبح، ولو مش عندي تصوير بعمل زي كل الناس وبصوم الحمد لله، وإحنا مش جايين من كوكب تاني بعمل زي الناس في كل بيت مصري".

وأكدت أنها لا تستطيع مشاهدة أي أعمال في رمضان لانشغالها بتصوير أعمالها.