بشرى تثير الجدل بما قالته عن المرأة في السينما: "الأفلام تتاجر بها"

هاجمت الفنانة بشرى السينما المصرية بسبب صورة المرأة في الأفلام المنتجة حديثاً، كاشفة عن رأيها في وضع المرأة في السينما، سواء في تقديم موضوعاتها أو المرأة العاملة في السينما.

وقالت بشرى في تصريحات صحافية: "صعب جداً تنتج أفلام عن المرأة عشان تتاجر بالمرأة وتبيع عشان عارف إن جمهور الستات كبير، وأن مواضيع الستات مطلوبة أو المنصات اللي طالباها".

وأضافت: "فيه بعض المبدعين بيكونوا عايزين يحسنوا من وضع المرأة، وساعات بيتم المتاجرة بالحاجتين... المرأة العاملة في الصناعة قليلة جداً، فالمخرجات والمصورات عددهن قليل جداً، وعندنا مشكلة أجور، الست أجرها قليل، ومبيتكتبش لها مواضيع كتير".

واختتمت بشرى بالقول: "كله عايز ينتش ويجري هي دي سياسة العصر في كل حاجة، محدش عايز يتعب في حاجة، محدش عايز يعمل مجهود، محدش عايز يحكي قصة حد أو يحكي عن قصة دكتورة أو ست بتتعب على أولادها، فالسينما عندنا حالياً أشبه بالوجبات السريعة. مش معقولة المرأة المصرية يا رقّاصة يا فتاة ليل، النقطة ميبقاش التناول رخيص ومفيهوش جودة أو حبكة أو مضمون".