مايان السيد تردّ بهدوء على منتقدي دورها الكوميدي

بعد الانتقادات التي طاولت دورها في مسلسل "1000 حمد الله على السلامة" مع النجمة يسرا، ردّت الفنانة مايان السيد على منتقدي ظهورها ضمن السباق الرمضاني الحالي، وذلك من خلال مقطع فيديو نشرته عبر خاصية "الستوريز" في "إنستغرام" وقالت فيه: "من حق أي فنان أن يجرب أكثر من عمل فني، وقد قدمت من قبل الكثير من الأعمال الدرامية وكان آخرها حكاية (إلا أنا) التي كانت مليئة بالأحاسيس والمشاعر".

وأضافت:" أنا قررت السنة دي، إن ليه ماجربش وليه مالعبش وأنا كنت حابه إن أنا أعمل ده وأني أخد ريسك وأجرب أعمل حاجه جديدة بعيدة عني شوية. ممكن يكون ناس كتير شافوا إن دمي مش خفيف مثلاً أو إن أنا مش لايق عليا الكوميدي، وده من حقكم إن يبقي ليكم رأي وأنكم تعبروا عن الرأي ده طبعاً وأنا من ناحيتي حلو إن أنا أعرف فين الانتقادات دي وإيه اللي أقدر أشتغل عليه ويبقي أحسن، لأن أنا لسه بتطور ولسه مش بعتبر نفسي إن أنا خلاص بقيت فنانة، أنا لسه بكبر ولسه بتعلم من الأساتذه اللي أنا بشتغل معاهم".

واختتمت مايان السيد بالقول: "أنا فاهمة الانتقادات وفاهمة آراء الناس وأنا مستوعباها، وأنا يعني مش مغرورة عليها ولا شايفة نفسي إن أنا أحسن واحدة في الدنيا، أنا بس عايزة أقولكم من حق أي ممثل، إن هو يجرب ولو أنا ماكنش أحسن حاجة ليا السنة دي فإن شاء الله أتعلم وابقي أحسن، وفيه ناس برضو حبيت سماح كدا، وأنا مبسوطة إن فيه ناس حبت الشخصية وإن فيه ناس كتير بتتفرج على مسلسل "1000حمدالله عالسلامة" ودي حاجة جميلة يعني".

شارك