خلال الجزء الثاني من لقائه في برنامج "العرّافة" المذاع على قناتَي "المحور" و"النهار"، كشف مؤدي المهرجانات حمو بيكا أن زوجته ضبطته وهو يخونها مع بنات في السيارة.

وروى بيكا قصة خيانته لزوجته قائلاً: "كنت قاعد في العربية ولابس ساعة اللي فيها تليفون فرنيت على مراتي بدون ما آخد بالي وأنا عمال أقول للبنات ده يوم جميل وكان يوم حلو وطلع عليا يوم أسود في الآخر، والبنات كانوا أصحابي ومراتي قفشتني بخونها مع البنات في العربية".

وعن رأيه في الفنان مصطفى كامل نقيب المهن الموسيقية، قال: "بيوجهنا للطريق الصح وإحنا كنا محتاجينه من زمان وحتى لو مشاهداتنا على يوتيوب انخفضت برضو مقامنا هيفضل عالي".

وتابع: "أنا المدرسة في اللون اللي بغنيه ومفيش مشكلة لو المدرسة بقت فاشلة بس علمت ناس وفيه ناس طلعت، حسن شاكوش وعمر كمال وعنبة وعصام صاصا كلهم متخرجين من مدرستي وفي بداية حياتهم كله جالي، أنا شغّال وباكل عيش دلوقتي".

وعن سهر مصطفى كامل في الملهى الليلي الذي كان يغنّي فيه، أكد بيكا: "محصلش ده كان بيمر علينا بس مسهرش ومغنتش بفلاشة وقتها فرقتي الـ20 نفر كانوا شغّالين ورا مني".

وتابع: "الانسيال اللي مراتي قطعته في البيت كان بتاع واحدة صاحبتي ومش هقول أكتر من كده علشان مراتي هتكسر عليَّ البيت".

وأضاف: "عمر كمال عملي عمل وسحر علشان مشتغلش ويوقّف حالي ويشتغل هو، ولما رحت لشيخ قال لي حد اسمه عمر اللي عملك العمل ده وقاللي كلكم هتقعدوا وهو اللي هيشتغل وفعلاً كلنا قعدنا أنا وحسن، وعمر اللي اشتغل".

وأردف بالقول: "الحمد لله ربّنا كرمني وفكينا السحر بالقراَن ورجعت اشتغلت... بعد لما فكيت السحر واشتغلت بقيت أصاحب عمر كمال علشان ميعمليش عمل أو سحر تاني وكنت خايف منه، وربنا يستر وميجددش العمل تاني، وأنا فعلاً لابس الفانلة الداخلية بالمقلوب خوفاً من الأعمال".

وعن رأيه في محمد رمضان كمؤدي مهرجانات، قال حمو بيكا: "محمد رمضان مشاهداته على قناة يوتيوب مزيفة وكله ممول ولو عايز أغنيتي تجيب 100 مليون مشاهدة هخليها تجيب".