بالفيديو - بعد نجاح "المداح"... زوجة حمادة هلال: "لا أخاف من عفاريته"

12 نيسان 2023 | القاهرة – "لها"

حمادة هلال وزوجته

خلال لقاء لها مع الإعلامية سهير جودة عبر حسابها الخاص في "فيسبوك"، علّقت أسما سميح زوجة الفنان حمادة هلال على نجاحه في الموسم الرمضاني الحالي، من خلال مسلسله "المداح 3"، مشيرة إلى أنه بذل جهداً كبيراً في هذا العمل، لكن رغم تقمّصه الموفّق للشخصية، فهذا لم يؤثر في حياته الشخصية أو في تعامله مع أسرته.

وتحدثت أسما عن حمادة قائلةً: "أنا كل يوم بيجيلي المداح عادي، بيبقى سبونج بوب، وأنا مش بخاف من عفاريته، وبكون مطمّنة".

وأضافت: "حمادة هلال شخصيته قريبة من شخصية المداح، وهو متدين بطبعه وهادئ جداً، ودايماً بيذكر ربنا، والرقية الشرعية أساسية بالنسبة له، مش حاسة إن في فرق بين حمادة والمداح، وعشان كده هو لايق على الدور، هو المسلسل صعب وتصويره صعب، وفريق العمل كله عامل مجهود كبير، مسلسل صعب والحمد لله إن الناس مبسوطة منه".

واختتمت زوجة حمادة هلال حديثها بالقول: "المسلسل جميل جداً، وجرعة الخوف بسيطة مش عالية أوي، زي ما الناس متخيلة، وبنصح الناس تتفرج عليه في تجمع عائلي مش لوحدهم عشان ميخافوش، وبلاش تتفرجوا عليه بالليل، أنا مؤمنة بوجود الجن، لأن ربنا ذكره في القرآن، بس وجهة نظري أنه مش موجود كتير حوالينا، أو ممكن يكون موجود بس ما بنشعرش بيه، أنا مؤمنة بربنا، ومؤمنة أن ربنا بيحافظ علينا، حصّنوا نفسكم بس".