خلال لقائه في برنامج "ET بالعربي"، كشف الفنان أحمد فهيم عن كواليس صفعة محمد رمضان له خلال مشاركته في مسلسل "جعفر العمدة"، بعد تألقه في تقديم شخصية "سيد" شقيق "جعفر" في العمل، وهي الشخصية التي تفاعل معها بقوة مستخدمو مواقع التواصل الاجتماعي.

وقال فهيم: "شخصية سيد العمدة صعبة جداً بالنسبة لي وأصعب شخصية عملتها من أول ما بدأت، وسيد مش عبيط لكنه راجل جدع وجواه طفل، والتناقض في الشخصية هو اللي عامل الحالة دي".

كما عبّر عن سعادته بنجاح دوره في المسلسل قائلاً: "كان حلمي لما خدت قرار أكون ممثل يكون عندي كارفان وأوضة بتاعتي وأكون على الأفيش وأشوفه في الشارع زي ما بشوف أفيش المسلسلات والأفلام والحمد لله حلمي أتحقق".

وأضاف: "أحمد داش بعت لي صورة الأفيش وبارك لي ولما شفتها دموعي نزلت لأنه حلم من زمان، ولما ماكنتش بشوف صورتي في أفيش أو اسمي على تتر كنت بشجع نفسي وأقول بكره هيكون ده موجود ولما ده حصل سعادتي ما تتوصفش".

كما تحدث أحمد فهيم عن كواليس مشهد صفع محمد رمضان له في المسلسل، مشيراً إلى أنه من أصعب المشاهد التي قدّمها في العمل، حيث قال: "من المشاهد الصعبة جداً واتاخد من كذا زاوية، ولما خدنا الزاوية بتاعة محمد رمضان كنت بعيط وفي دموع نازلة وفي حالة كده ولما جينا ناخد زاويتي فصلت وما كنتش عارف أعيط". وأضاف: "بوجّه لمحمد رمضان الشكر والتحية وهو جالي وخدني على جنب وقال لي هنعمل المشهد ده على روح خالد صالح لما قال لي كده روحت في حتة تانية والحمد لله عملنا مشهد حلو".

وعن تعاونه مع الفنانة هالة صدقي التي تقدّم دور والدته في العمل، قال: "في الكواليس كل لما تقول لي ازيّك يا سيد أقول لها إزيك يا أما، تقول لي كتك مو أمك إزاي وهخلفك إزاي؟".

وأضاف عن تعاونه مع المخرج محمد سامي: "الفضل يرجع لمحمد سامي في الحالة اللي حاصلة في المسلسل، هو بيقعد معانا قبل كل مشهد والحمد لله النتيجة بتطلع كويسة زي ما أنتم شايفين".