حمادة هلال يسخر من تصريحات لوسي عن ظهور الجن لها في "المداح"

سخر الفنان حمادة هلال من تصريحات الفنانة لوسي خلال إحدى الندوات الفنية عن ظهور الجن لها في أحداث مسلسل "المداح 3"، مؤكداً أنها تبالغ في كلامها.

وقال حمادة هلال في تصريحات صحافية: "لوسي فنانة جميلة ونجمة كبيرة ممكن تكون واخدة الأمور بشكل أوفر شوية، الجو كان برد اليوم ده وهي كانت لابسة خفيف وجتلها رعشة".

وعلّق هلال بسخرية قائلاً: "أنا كنت عامل 3 أجزاء، كان زماني طاير في الجو".

وعن المنافسة في رمضان 2023، وكواليس الجزء الثالث من مسلسل "المداح"، قال: "عمري ما فكرت في المنافسة، دايماً أتعب وأنزل ويا رب يكرمنا كلنا، وبقرأ وأتفرج وبشوف مين اللي بيعمل الحاجة صح، والتركيز مع المؤلفين وهم الناس اللي بتبحث وبتتعب".

وأضاف: "أحب أقول أخويا أحمد سمير مخرج كبير، وربنا رزقنا بيه، وكلنا صحاب ومثلث واحد، وكل الناس تعبت جداً، علشان نطلع عمل شكله كويس، وأحمد سمير بيحب الغموض والتشويق، ودرامتنا دراما مختلفة تماماً، وده اللي خلاني متمسك بالنجاح، ومفيش صراع حواليك، وبتعمل حاجه لوحدك، وشرف كبير إن كل النجوم موجودين في المسلسل، في الآخر كلنا بننجح".

مقالات ذات صلة

محمد هنيدي يكشف عن وصيته لزوج ابنته في حفل زفافها (فيديو وصور)

حمادة هلال يحتفل بجائزة أفضل ممثل دراما بطريقته الخاصة (فيديو)

حمادة هلال المداح لوسي