خلال استضافتها في برنامج "حبر سرّي"، اعترفت النجمة زينة بأنها غير راضية عن شكل أنفها، ولكنها تخشى الخضوع لعمليات التجميل...

وقالت زينة: "أنا مش طايقة مناخيري، وكان نفسي أعمل عملية تجميل، لكن أنا جبانة". وأضافت: "المخرج محمد سامي طول الوقت في التصوير يقوللي إعملي مناخيرك وعلى ضمانتي، لغاية ما قلقت منه".

وتابعت: "طالما ربنا إداني نعمة الصحة، ليه آخد بنج وأفتح حاجة في جسمي أو في وشي، وممكن أموت فيها زي ناس كتير، ليه أدفع فلوس وممكن مخرجش من العملية وأنا عندي ولاد، أنا راضية بكل حاجة في جسمي".

وكشفت زينة أن محمد سامي طلب منها عدم المشاركة في مسلسل "جعفر العمدة" قائلةً: "محمد سامي أفتكر له الخير، ولما كنت مش موافقة في الأول قاللي اعتذري ومتعمليش حاجة إنت مش مقتنعة بيها، وأنا شايف مكانتك أكبر من كده، وإنت جاية من نجاح جامد في مسلسل "الليلة واللي فيها"".

وتابعت: "كان عايزني أعتذر بأي شكل، لإنه عارف إني مترددة، لكن كلمت المنتج محمد السعدي وقلت خلاص معاكم، لإني كان نفسي أشتغل مع المتحدة ودي أول مرة".

ورداً على سؤال: هل هناك خلاف بينك وبين المخرج محمد سامي؟ قالت: "معنديش نقطة خلاف مع محمد سامي، لكن مش هشتغل معاه مرة ثانية، ممكن أشتغل مع مخرجين آخرين".

وعلّقت زينة على ورود اسم المخرج محمد سامي ست مرات في تتر مسلسل "جعفر العمدة"، قائلةً: "أنا شايفة إنه مبسوط بكتابة اسمه ست مرات علشان عايز يرضي أمه، وطالما أمه مبسوطة إن شاء الله المرة الجاية يكتبه عشر مرات، مين أغلى من الأم علشان نرضيه".

وأضافت: "هو بيتعب ثمانية شهور في المسلسل، وكتب القصة وهو المؤلف والمخرج، ومسلسله ناجح ومكسّر الدنيا، يبقى يعمل اللي هو عايزه".