بعد اختياره للعرض في مهرجان "كان"... اتّهام مخرج فيلم "عيسى" بسرقة الفكرة

لم يكد يهنأ صنّاع الفيلم المصري "عيسى" باختياره للمشاركة في مسابقة أسبوع النقاد بـ"مهرجان كان السينمائي"، حتى فوجئوا بالمؤلف عمرو محمود يتّهم مخرج الفيلم مراد مصطفى بسرقة فكرة العمل منه.

وكتب عمرو محمود منشوراً عبر حسابه الخاص في "فيسبوك"، قال فيه: "من سنة أو أكتر كنت بتواصل مع مراد مصطفى بعد فيلمه "حنة ورد" وبعتله سيناريو قصته عن "صحفي سوداني بيعيش في مصر اسمه عيسى"... وبعدين حصل خلاف بنا وعملّي بلوك والنهاردة بشوف بوستر الفيلم الجديد بتاعه".

وأضاف عمرو أنه يعتقد أنه الفيلم نفسه بسبب الشخصية الأساسية التي تحمل الاسم ذاته، قائلاً: "ياريت لو حد يعرف قصة الفيلم ده يقولي عليها... أنا شخصياً بتمنى إنه ميكونش فيلمي ولا له أي علاقة بالسيناريو بتاعي... سؤالي دلوقتي هو لو حصل فعلاً وطلع إن ده السيناريو اللي بعتهوله أتصرف إزاي؟ مع العلم إني مش مسجّل السيناريو بتاعي في أي جهة".

فيلم "عيسى" من إخراج مراد مصطفى، وتدور أحداثه حول "عيسى"، مهاجر أفريقي في مصر يبلغ من العمر 17 عاماً، يحاول أن يسابق الزمن بعد حادث عنيف لإنقاذ أحبّائه ومهما كلفه الأمر... ويقوم ببطولة الفيلم: كيني مارسيلينو وكنزي محمد، مدير التصوير مصطفى الكاشف، مونتاج محمد ممدوح، سيناريو مراد مصطفى وسوسن يوسف.

شارك