أحمد فهمي يكشف حقيقة كتابته "كده رضا 2" لأحمد حلمي

24 نيسان 2023 | القاهرة – "لها"

أحمد فهمي

كشف الفنان أحمد فهمي سبب توقفه عن كتابة الأعمال الفنية في الفترة الماضية، بعدما أكد في أكثر من مناسبة أنه لا يزال على وعده لأحمد حلمي، بكتابة الجزء الثاني من فيلم "كده رضا".

وقال فهمي في تصريحات صحافية: "أنا بحب الكتابة جداً بس مفيش وقت ليها، والسنة دي عندي ثلاثة مشاريع، والسنة اللي جاية ثلاثة أو أربعة مشاريع كمان، والموضوع بيبقى صعب أوي في الكتابة، ومرتبط مع حلمي بكتابة الجزء الثاني من فيلم "كده رضا" بس مفيش وقت خالص".

كما تطرق أحمد فهمي الى الحديث عن تصريح المخرج خالد يوسف بشأن عدم خوضه تجربة إخراج الدراما مرة أخرى بعد مسلسل "سره الباتع"، حيث قال: "خالد يوسف طلع عينه في الدراما كأول تجربة له، وموّت نفسه في العمل، الراجل تعب ومش بيجب يسيب مخرج تاني أو المساعد هو اللي يعمل الشغل مكانه، ومكنش بينام، وقولتله بعد تصريحه ده متقولش بالصيغة دي عشان هتتفهم إن نتيجة مسلسل "سره الباتع" هي اللي وحشة".

وأضاف: "بس هو بيتكلم إن المجهود كان صعب أوي، خصوصاً إن إحنا في مصر بنعمل 30 حلقة في وقت قليل أوي، فده متعب وفي "تحت الوصاية" العمل متقن وممكن يكون الأفضل فنياً، لأنه 15 حلقة مكتوبة حلو جداً، ومع مخرج منظّم".

وكان أحمد فهمي قد حقق نجاحاً كبيراً في موسم رمضان الماضي، من خلال مسلسل "سره الباتع"، الذي شارك في بطولته الى جانب عدد كبير من الفنانين، أبرزهم: أحمد السعدني، حنان مطاوع، حسين فهمي وآخرون، وهو من إخراج خالد يوسف.