أدارت ندى الكامل، طليقة الفنان أحمد الفيشاوي حواراً مفتوحاً مع متابعيها على خاصية القصص المصورة الملحقة على حسابها الخاص بـ"إنستغرام"، تحدث خلاله عن الكثير من أسرار حياتها.

وكشفت ندى خلال الرد على أسئلة الجمهور حقيقة ارتباطها، مؤكدة أنها مازالت عزباء ولن تتزوج مرة أخرى، كما ردت على منتقدي مظهرها وملابسها.

ورداً على سؤال أحد متابعيها إن كانت مرتبطة أم لا بعد كلاقها قائلة: "أنا لسه سنجل ولا أبالي، ومش عايزة أتجوز تاني لأني اتجوزت واتبسطت جدًا وكنت سعيدة ومش هكررها تاني".

وفي ردها على سؤال إحدى متابعاتها عن خوفها من الحساب وعقاب الله بسبب ملابسها، انفعلت ندى قائلة: "يعني إيه مش بخاف من الحساب ومش خايفة آخد ذنب؟ ما طبيعي كلنا خايفين من الحساب ومش عايزين ناخد ذنوب، بتفصليني عن باقي البشر ليه؟ كلنا عندنا نفس لوامة أو معظمنا، وأظن دا أحسن بكتير من النفس الأمارة بالسوء".

وواصلت ردها: "ركزي في نفسك عشان ترتاحي ومتبقيش تبصي عليا لو مضايقاكي، أنا لوحدي جيت ولوحدي عشت وبردو هنزل المتر في متر لوحدي، ساعتها أنا اللي هكون ملزمة أرد على السؤال دا وقتها، لكن مش ملزمة أرد عليه حاليًا".

وتطرقت للحديث عن عمليات التجميل، قائلة: "أي حاجة تفرحك وتخليكي مبسوطة قدام المراية وعقلك واعي وعينك مبسوطة بالمنظر اعمليها، ومش شرط تجميل بس، إنما أي حاجة لأن الإنسان لو مساعدش نفسه وطور منها محدش هيساعده".

وعن مواصفات فتى أحلامها إذا ما فكرت في الزواج، قالت إنها تتمنى الارتباط برجل ذكي وجميل ومتعلم ومشغول دائماً وهادئ ومحترم، ولكنها لا تفكر في الزواج حاليًا، وتحاول التركيز على سعادتها وحياتها فقط.