كريم فهمي يردّ على متابع هاجمه بسبب رأيه عن السوشيال ميديا

نشر الفنان كريم فهمي على حسابه الخاص بـ"فيسبوك" منشوراً كشف من خلاله عن رأيه في التأثير السلبي لمواقع التواصل الاجتماعي في الفترة الأخيرة، مؤكدًا أنها أكبر كذبة، ليدخل بعدها في مشادة مع أحد المتابعين هاجم رأيه في السوشيال ميديا.

وكتب كريم قائلاً: "لما كله يبقى مكسر الدنيا ونمرة 1، ومصدقين الكدبة، لما الأشكال كلها حلوة بفلاتر ومصدقين الكدبة، لما الكل يبقي بيفهم كل حاجة رياضة، فن، سياسة، ومصدقين الكدبة".

وتابع: "لما ناس تشتم حد من ورا شاشة، وعاملين نفسهم رجالة، ومصدقين الكدبة لما حاجات كتير أوي يبقى إحنا في حضرة السوشيال ميديا أكبر كدبة".

وعلق أحد الأشخاص على المنشور، قائلاً: طب ما تقفل الأكونت بتاعك لولا السوشيال اللي بتقول عليها دي مكنش حد عرفكم"، ليرد عليه كريم قائلاً: "بس يا حبيبي بس يا شاطر، اتفضلوا يا جماعة عينة من تالت نموذج أنا كاتبه".

ليرد عليه المتابع قائلاً: "إنت اتضايقت عشان بقول كل حاجة فيها الصح والغلط، إنت تنتقد نفسك كده إنت من غير السوشيال مفيش شغل ليك".

ليرد عليه كريم فهمي مرة أخرى قائلاً: "ليه يابني هو أنا بلوجر؟ أنت بتقول إيه يا حبيبي، أرجوك بس، قول رأيك براحتك بس متقولش أي كلام عندي بعد إذنك".