هند عاكف تكشف حقيقة خضوعها لعملية تجميل بعد الحادث

كشفت الفنانة هند عاكف حقيقة الأخبار التي تم تداولها عن خضوعها لعملية تجميل بعد حادث السير الذي تعرضت له منذ أيام.

وأكدت هند في تصريحات صحافية أنها لم تخضع لأي عمليات تجميل بعد الحادث لاستعادة جمالها، قائلةً: "ربّنا نجّاني من الحادث وكان صعب، الحمد لله مفيش إصابات ولكن عندي كدمات في راسي لسة موجودة وعينيا فيها دموع كتير لسة هكشف تاني، ووشي كان مورم بس خفّ بالأدوية".

وأضافت: "والله ربنا اللي حماني والتجميل اللي حصل من عند ربنا مش مني أنا، وربنا حماني وخلاني على قيد الحياة، وبشكر كل زملائي والإعلاميين اللي سألوا عليا والصحافيين أصدقائي اللي طمّنوا الناس عليا... وبشكر زملائي الفنانين واللي كلّموني منهم الدكتور أشرف زكي والفنانة نهال عنبر، ومنال سلامة، عبير منير، أمل رزق، وفاء مكي، ناس كتير مش عايزة أنسى حد، والحمد لله أنا سعيدة بحب جمهوري وزملائي ليا".

وعلّقت هند عاكف على عودة الفنانة شيرين عبد الوهاب الى الغناء، وسخرية الجمهور من سقوطها على خشبة المسرح في حفلها بدبي، بالقول: "هي طبعاً مقصدتش توقّع نفسها على المسرح، هي وقعت غصب عنها، وأي فنان معرض للموقف ده، وأكتر من فنانة وقعت في مهرجان القاهرة السينمائي بسبب الفساتين".

كما وجهت رسالة الى الجمهور، قائلةً: "أنا عايزة أقول للجمهور والسوشيال ميديا إنتوا حبايبنا وأصحابنا وجمهورنا الغالي مش عايزينكم تبقوا قاسيين علينا ولا على أي فنان يحصله موقف، إنتوا متعرفوش ظروف الفنان ده إيه، لو الفنان ده قرأ تعليق ممكن يحصله أزمة نفسية".

مجموعة COCO MADEMOISELLE: عطر لكل يوم وللحظاتِك الاستثنائية