في لقاء له مع برنامج "The Insider بالعربي" الذي تقدّمه الإعلامية راندا جبر، ردّ الفنان بيومي فؤاد على التصريحات الأخيرة للفنان محمود حميدة، والتي أكد فيها عدم معرفته باستبداله ببيومي فؤاد في فيلم "مطرح مطروح".

وقال بيومي: "أنا واثق إن محمود حميدة مكانش يعرف، دا نجم كبير وقصدت عدم إبلاغه، لإني عارف لو بلّغته كان هينسحب من الفيلم". وأضاف: "أنا عرفت الموضوع بعد ما صوروا ثلاثة أيام، وأقسم بالله لو عرفت من الأول ما كنت عملت أي حاجة ولا بلّغت النجم، ده رزقه ونصيبه وحظّه، والشخص الوحيد المدان في الموضوع عارف نفسه".

يُذكر أن بيومي فؤاد صرّح في برنامج "أنا والقناع" الذي عُرض في رمضان الماضي، بأنه تعرّض للغدر من المنتج محمد السبكي، وأدى ذلك لارتفاع ضغط عينه بطريقة خطِرة، قائلاً: "محمد السبكي يعلم هو عمل إيه، أعطيته فيلمي، وناس كتير وجامدين طلبوا مني يعملوا الفيلم لكن أنا فضلته، ولما المؤلفين اشتكوا من الأجر دفعت لهم من جيبي ليقبلوا التوقيع، وبعد توقيع المؤلفين جاب محمود حميدة يعمل الفيلم، وهو "مطرح مطروح"".

وأضاف: "لما سمعت الخبر ضغط عيني وصل فوق 50 والطبيعي 20، وكان لازم عملية".

وكان محمود حميدة قد علّق على هذا الموضوع خلال تصريحات لبرنامج "The Insider بالعربي" قال فيها: "أنا موقفي في الحاجات دي ثابت من زمان ولو أنا كنت أعرف الموضوع ده مكنتش هوافق على العمل، المخرج وائل إحسان قال لي إن هو عرف وهو في نص العمل الموضوع الخاص ببيومي فؤاد وهو خاف يقولي لمكملش الفيلم".

وأضاف: "طبعاً أنا معرفش أنا كنت هعمل إيه ساعتها، بس أنا في المواقف دي طبعاً برفض، ولو عرفت الحكاية دي، وخصوصاً إذا كانت هتسبب ألم، لأن أنا عمري في حياتي ما عملت كده، أنا كنت دايماً لما طلعت كنت بعمل لأحمد زكي ومحمود عبد العزيز وفاروق الفيشاوي، ولما كان بيحصل موضوع زي ده ويقولولي العمل ده كان المفروض يعمله فاروق بس أنت هتعمله أسالهم فاروق عرف؟ يقولوا آه، أقولهم كلّموه".