دينا الشربيني تكشف تفاصيل مكالمتها مع داعية شهير بعد وفاة والدها

كشفت الفنانة دينا الشربيني خلال تصريحات إعلامية تفاصيل مكالمتها مع الداعية الإسلامي مصطفى حسني بعد وفاة والدها.

وسألت دينا مصطفى حسني في المكالمة عن معنى حالة السكينة والهدوء التي تشعر بها بعد وفاة والدها، قائلةً: "كلّمت مصطفى حسني عشان بحبه وقولتله أنا مش عارفة أنا في إيه وحكيتله إحنا إزاي كنا قريبين من بعض، قالي غالباً باباكي كان بيدعي إن لو جراله كده ربنا ينزل على قلبك السكينة، وحقيقي دا اللي مخليني عايشة".

وتابعت دينا حديثها متأثرة لتحكي عن علاقتها بوالدها وما حدث يوم وفاته: "أبويا هو حياتي، الموضوع جيه بطريقة غريبة، بابا مكنش تعبان في ساعتين أنا مش فاكراهم خالص هما بيحكولي عليهم كنت بتعامل أن الخبر مش حقيقي وبقول مش هو، أنا مش فاكرة الجزء دا حصل إيه، بيحكولي حاجات كأن واحدة تانية عملتها، فقت وأنا بقوله في ودنه أشهد أن لا إله إلا الله وحسيت بحاجة غريبة أن روحه جوايا وحسيت بسلام نفسي عمري ما حسيته وفضلت أقول الحمد لله".

وأضافت: "أنا لسة مش مستوعبة وفاته، هو كان حد بيحب الحياة أوي، المرة الوحيدة اللي جالي فيها في الحلم قاللي اتبسطي، وهو بني آدم إيجابي، وحاسة إنه معايا مش إنه مشي".

شارك