حلّت الفنانة مروة عبد المنعم ضيفةً على الإعلامي عمرو الليثي في برنامجه "واحد من الناس"، الذي يقدّمه على شاشة قناة "الحياة"، حيث كشفت العديد من الأسرار داخل الوسط الفني وخارجه.

وقالت مروة: "عمري ما رفعت التلفون وطلبت شغل من حد، وكنت بشتغل كويس، ولكن فجأة كل الدنيا وقفت مرة واحدة ومحدّش بيبعتلي أدوار خالص دلوقتي، واتظلمت في الوسط الفني، وعملت مشروع المسرح بتاعي ومحدش من زملائي في الوسط اتصل عليا يباركلي، والشللية هي اللي بتحكم الوسط للأسف".

أما عن مشاركتها في مسلسل "يوميات زوجة مفروسة" مع الفنانة داليا البحيري وخالد سرحان، فقالت مروة: "النضّارات اللي استخدمتها في المسلسل كانت مناسبة للعمل، ولما بعمل شخصية برسم لها شخصية كارتونية، وكانت النضّارة الكات طالعة موضة وقتها، وداليا البحيري كانت لابسة نضّارة بردو، ورفضت إني ألبسها علشان ما نبقاش إحنا الاتنين لابسينها في نفس المشهد، وعلشان تصالحني قالت لي هجيبلك شوية نضارات تانية واختاري منها، وكنت كل موسم ألبس واحدة جديدة".

يُذكر أن آخر أعمال مروة عبد المنعم الفنية، مسلسل "عالم تاني"، الذي عُرض في بداية العام الجاري، وشارك فيه العديد من الفنانين، بينهم: رانيا يوسف، نضال الشافعي، فريال يوسف، فراس سعيد، سميرة صدقي، تميم عبده، إلهام عبد البديع، حسام فارس، مصطفى حشيش، وأيمن عزب.