نجوم "واما" يفتحون خزائن أسرارهم الخاصة ويكشفون سبب استمرار الفريق 25 عاماً

القاهرة - "لها" 03 يونيو 2023

خلال استضافتهم في برنامج "كلام الناس"، الذي تقدمه الإعلامية ياسمين عز عبر قناة MBC مصر، أكد أعضاء الفريق الغنائي "واما"، أحمد فهمي ومحمد نور وأحمد الشامي، رغبتهم في استمرار الفريق وتقديم ألبوماتهم وأغانيهم للجمهور، رغم انشغال كل منهم بمسيرته الفنية الخاصة.

وردًا على سؤال ما سر استمرار فريق واما رغم تحقيق كل منهم نجومية خاصة به، قال الفنان أحمد فهمي: "الفلوس".

وأضاف محمد نور: "علشان إحنا أصلاً أصحاب، وعملنا شغل مع بعض وكنا مش عارفين إنه هينجح، لحد ما غنوة نجحت وابتدينا".

وتابع: "كل واحد من الفرقة اتجه لحتة بيحبها، لكن فضلنا أصحاب".

وأوضح أحمد فهمي أن احتمال انفصالهم وارد بقوله: "أكيد في يوم من الأيام واما مش هتكمل، وأكيد نفسنا تفضل مستمرة".

وردًا على سؤال ما سبب تقديم فريق واما خمسة ألبومات غنائية فقط على مدى مسيرة امتدت 25 عامًا، قال الفنان أحمد الشامي: "إحنا بناخد وقت في الأغاني، وعندنا بين الألبومات حفلات كتيرة، وكل واحد عنده شغله".

وعن حياتهم الشخصية أكد نجوم "واما" أن كلمة السر الخاصة بهواتفهم المحمولة معروفة لزوجاتهم، وهذا لا يتعارض مع الخصوصية بالنسبة لهم.

وقال نور: "البيت عندنا كله باسوورد واحد، ستة موبايلات الولاد وهبة مراتي والدنيا بسيطة".

وأضاف الشامي: "أنا نفس المنطق، وعمري ما فتشت في تليفون مراتي، ولا هي فتشت في تليفوني، عندنا رقم واحد بنحبه هو باسوورد أي حاجة".

وأوضح فهمي أن كلاً من الرجل والمرأة له خصوصيات بقوله: "زي ما الراجل عنده خصوصيات في الشغل أو كلام مع أصحابه، الست نفس الموضوع عندها خصوصياتها".

وتابع: "أنا لو دخلت البيت لقيت مراتي قاعدة مع أصحابها مش هقعد احترامًا ليهم، ومش معنى الخصوصية إن في حاجة غلط".

وأضاف: "الست الذكية هتعرف تتعامل مع الراجل وتتلون له، وتقدر تكلمه عن الماتش أو عن شغله".

وتابع: "زي ما الست ممكن تستذكى الراجل ممكن يستذكى، لكن أنا بشوف إن قوة الراجل بياخدها من الست اللي معاه".

وأشار فهمي إلى أنه تعرف على طريقة تفكير المرأة منذ صغره قائلاً: "أنا خرجت من عيلة كلها ستات، عندي خمس إخوات بنات وأمي، وشايف الست بتفكر إزاي من وأنا صغير".