الحرب الكلامية بين عمرو مصطفى ومحسن جابر مستمرة: "كل كلامك كذب"

كذّب المطرب والملحن عمرو مصطفى ما قاله المنتج محسن جابر بشأن أول مقابلة جمعت مصطفى وعمرو دياب، مؤكداً أن كل كلمة نطق بها كاذبة.

وعلّق عمرو من خلال منشور عبر "فيسبوك" على تصريحات جابر التي أدلى بها خلال استضافته في برنامج "حديث القاهرة" الذي يقدّمه الإعلامي خيري رمضان، قائلاً: "يعني بتزوّر التاريخ وأنت في السن ده... طب أرد عليك إزاي وأنت راجل في السن ده، أقسم بالله كل كلمة نطق بها هذا الشخص كاذبة... ولي حق الرد في نفس البرنامج أو برنامج آخر لفتح كل ملفاته وملفات شركاته وجميع الفنانين الذين يطلقهم على القنوات علشان يهاجموني... أنت مَن دمرت الفن في الوطن العربي".

واختتم عمرو تعليقه قائلاً: "استلمت مصر أم كلثوم وفايزة وشادية وعظماء لحد ما وصلتها للمهرجانات... ده الوقت اللي لازم حد يقف لك وينهي المهزلة دي".

وكان المنتج محسن جابر قد كشف عن أول مقابلة بين عمرو دياب وعمرو مصطفى قائلاً: "كنت في شركة عالم الفن في وسط البلد وجات لي السكرتيرة قالت لي في واحد بيعيط ومنهار عايز يقابلك، ده عمرو مصطفى". وأضاف: "القصة إيه؟ إنه الليلة اللي قبلها عرف إن عمرو دياب بيسجل في ستوديو راح يسمعه أغنية وفتح عليه أوضة التسجيل وهو بيغنّي، فقال مين ده؟ طلّعوه بره... لا سمع ولا شاف ولا عرف والبودغاردات طلّعوه فجالي بيعيط وبيقول أنا رموني بره".

وأنهى محسن جابر حديثه بالقول: "وأنا كنت رايح لعمرو دياب فقلت له تعالى معايا وخدته معايا وسمّعته لعمرو دياب، فعمرو قال الله الأغنية حلوة قوي، فقلت له أومال عملت كده في الراجل إمبارح ليه قاله هو أنت!! ولولا إني خدته معايا مكانش عمره شاف عمرو دياب".