خلال لقائها في برنامج "المنسي" الذي تقدّمه المذيعة إنجي هشام عبر قناة "هي"، كشفت الفنانة هند عاكف عن موقفها من "مهرجان القاهرة السينمائي" في الدورة المقبلة بعد أزمتها العام الماضي، لافتةً إلى أنها قررت عدم الذهاب الى المهرجان إذا لم تتلقَّ دعوة خاصة، كما بيّنت الأسباب التي أدت إلى ابتعادها عن الفن خلال الفترة الماضية.

وقالت هند: "مش هروح مهرجان القاهرة غير لو اتقدمتلي دعوة، اللي حصل أيام مهرجان القاهرة معنديش استعداد يحصل تاني أنا مكنتش أتوقع إن ده ممكن يحصل لأن أنا فنانة بشتغل من وأنا عندي 4 سنين وليا أعمالي والحمدلله أنا مش وجه جديد وحتى لو وجه جديد مينفعش أبداً في مهرجان بلدي يتقالك لا".

وعن علاقتها بالفنان حسين فهمي بعد الأزمة، قالت: "أستاذ حسين بحبه أوي بغض النظر عن اللي حصل في المهرجان، ده فنان عظيم لو تاريخه ومعتقدش إن هوا اللي قالهم يعملوا كده استحالة أنا مكنتش حابة الموقف ده يحصل لكن مقدرش أزعل منه... أنا كنت بروح لما كان أستاذ حسين فهمي رئيس المهرجان من 20 سنة وكانت بتجيلي دعوة، يمكن اللي حصل السنة دي بسبب إنه حاطط قواعد معينة للفنانات، ويمكن أنا تخطيت القواعد دي بدون ما أقصد".

أما عن أسباب اختفائها خلال السنوات الماضية، وعدم مشاركتها في أي عمل فني، فقالت هند عاكف إنها دخلت في العمل السياسي بعد اندلاع ثورة كانون الثاني (يناير) وانتهائها من تصوير مسلسل "قلبي دليلي"، على الرغم من تعاقدها على ثلاثة أعمال، أبرزها بطولة مع النجم محمود حميدة، ولكن لم يتم تنفيذها.

وأضافت: "الدنيا خدتني والمجتمع المدني والسياسي أخدني وحسيت إني عندي مسؤولية تجاه المواطن المصري وتجاه بلدي وواجب عليا أقف جنب بلدي زيي زي أي مواطن بيحب بلده، وقلت بس ربنا عايزني أكمّل في المشوار ده وبعتلي رسالة، واختفيت 10 سنين عن المجال الفني، وسافرت روسيا ورجعت رشّحت نفسي لمجلس الشعب".

واختتمت هند عاكف بالقول: "مش ندمانة إني اشتغلت في السياسة، ده خير ربنا هيحاسبني عليه، لكن زعلانة من نفسي أني مقدرتش أوفّق بين الاتنين، كان ممكن أأدي واجبي تجاه وطني وأمثل في نفس الوقت ولما رجعت لقيت الحركة الفنية اختلفت وده زعّلني ولكن معرفتش استسلم".