بالفيديو - التعليق الأول لصاحبة "الفستان الأزرق": "لن أسامح أي شخص تنمَّر عليَّ"

22 حزيران 2023 | القاهرة – "لها"

صاحبة الفستان الأزرق

خلال مداخلة هاتفية مع برنامج "90 دقيقة" الذي تقدّمه الإعلامية بسمة وهبة على قناة "المحور"، قالت ياسمين، صاحبة "الفستان الأزرق" التي انتشر فيديو لها وهي ترقص في حفل زفاف، إنّها لن تسامح أي شخص تنمّر عليها أو تحدث عنها بالسوء.

وأضافت: "حسبي الله ونِعم الوكيل في الشخص اللي نزّل الفيديو، والناس اللي استعملته بشكل خاطئ وتحدثوا عني بالباطل وطلّعوا عني شائعات، أنا بقيت مكسوفة أنزل أمشي في الشارع من كتر الكلام والتعليقات السخيفة".

وتابعت باكيةً: "مش مسامحة أي حد بيتكلم في عِرضي أو أساء لي أو لأهلي أو لتربيتي، وحسبي الله ونِعم الوكيل في كل اللي وقفوا ضدي، أنا مبعملش حاجة غلط، الدنيا كلها بتفرح والدنيا كلها بترقص".

وأردفت بالقول: "90 في المئة من الواقفين في الفرح كانوا سيدات، الفرح كان عائلي ومكنش في حد، اتقال إني رايحة أجيب عريس، ده كلام يوجّع، أنتم لا تتخيلوا الوجع اللي عانيته وعانته والدتي، مفيش حد له حق يحكم على حد بالطريقة دي".

وكشفت ياسمين مفاجأة قائلةً: "أنا طالبة في كلية الآداب بجامعة المنصورة، ولست متزوجة، وبسبب ما حدث خفت من الذهاب للامتحانات".