أنوشكا تكشف أسباب تركها الغناء واتّجاهها الى التمثيل

كشفت الفنانة أنوشكا عن الأسباب التي دفعتها إلى الابتعاد عن الغناء والتوجّه الى التمثيل، مؤكدة أنها ستعود قريباً الى عالم الأغاني، كما تفكر جدياً في تقديم البرامج بعدما قدّمت برنامج "صالون أنوشكا".

وقالت أنوشكا: "أنا عارفة إني غايبة عن الغناء شوية، ولكن مغبتش عن الغناء كتير بدليل إني عملت برنامج "صالون أنوشكا" وكان فيه غناء كتير، وفعلاً اهتمامي هيبقى غنائي سنتين تلاتة، ولكن لما بيبقى عندي عمل درامي مبقدرش أتحرك لأننا بنشتغل 17 ساعة، ودا اللي خلاّني بعدت عن الغناء شوية، ولكن الغناء موجود".

وأضافت: "أنا حاطة إيدي على قلبي علشان فيلم "وش في وش"، لأنه أول فيلم طويل سعيدة به وهينزل كمان أسبوع ومخضوضة وكإني داخله امتحانات ثانوية عامة".

وأردفت أنوشكا بالقول: "أنا مستنية فيلم "وش في وش"، جداً لأنه فيلم اجتماعي له مغذى عميق للغاية ولكنه حاطط إيده على نقاط أسرية مفيش بيت مافيهوش الموضوع ده، ودايماً حصرني في دور الأم وأنا بعتبر الأم دي هي الوتد والأساس لمستقبل ناجح".

أما عن إمكانية عودتها الى تقديم البرامج التلفزيونية، فقالت أنوشكا: "أنا بعتبر إن كرسي المذيع مش كرسي سهل أبداً، واتعلمت من أبويا إني أبص للي في إيدي مش للي في إيد غيري، وكل واحد ربّنا كارمه بقدرات معينة".