فنان شهير يهاجم مطلقي عبارة "الفن حرام"

هاجم الفنان محمود حافظ مطلقي عبارة "الفن حرام"، والتي بدأت في الانتشار خلال الفترة الماضية، مؤكداً أن الممثل لا يفعل شيئاً فيه أي حرمانية.

وقال حافظ: "إيه اللي حرّم الفن؟ الحمد لله إحنا بنتعب في شغلنا ومبنعملش أي حاجة فيها محرمات تغضب ربنا".

وأضاف: "لكن الناس علشان مشافتناش على حقيقتنا في شغلنا، وكل واحد ممكن من ورا الشاشات زي السوشيال ميديا يشتموا فينا، بتشتموا فينا ليه؟ إحنا بشر وبنزعل وبنفرح وعندنا أولاد وأسر... وكل اللي أقدر أقوله اللي ربنا سبحانه وتعالى قالنا عليه، "ما يلفظ من قول إلا لديه رقيب عتيد"... وربنا يسامح اللي بيشتمونا".

يُذكر أن محمود حافظ يشارك في فيلم "أصل الحكاية"، والذي يبدأ تصويره بعد عيد الأضحى مباشرةً، وعلّق على مشاركته في الفيلم قائلاً: "لما بسمع اسم المخرج محمد أمين موجود على أي عمل، بيكون شرف ليا أكون معاه وأحب جداً أنضم له، تابعت كل أفلامه واشتغلت معاه قبل كده في فيلم 200 جنيه، وده اللي حمّسني للمشاركة في الفيلم".

ويضم فيلم "أصل الحكاية" عدداً كبيراً من الفنانين، أبرزهم: خالد الصاوي، شيري عادل، عابد عناني، كريم عفيفي، بيومي فؤاد، هالة فاخر، جيسيكا حسام، يوسف عثمان، إيمان السيد، محمد محمود، علاء مرسي، وآخرون، وهو من تأليف وإخراج محمد أمين.