شنت الفنانة جوري بكر، حملة هجوم شديدة على بعض المطاعم والكافيتريات في الساحل الشمالي بسبب غلاء الأسعار فيها.

ونشرت على خاصية القصص المصورة المملحقة على حسابها الخاص بـ"إنستغرام" عدة مقاطع فيديو كشفت فيها عن استغلال تلك الأماكن الناس ورفع الأسعار بشكل مبالغ فيها، وكتبت تقول: "أنا مضايقة من اللي بيحصل في الساحل.. ولولا إن جوزي بيحب يروح هناك مكنتش جيت".

وأضافت: "أنا بكره الساحل أو الأصح اللي بيحصل في الساحل"، متابعة: "فيه قلة أدب بتحصل، وفيه ناس قليلة الأدب، وفيه قلة أدب في الأسعار، وفيه ناس ممكن تقولي إيه اللي وداكي، بس أنا مضطرة، وأنا الحمد لله راضية بس إيه الأسعار دي؟!.

واستكملت جوري كلامها: "أنا أي مكان هدخله مش هيعجبني أسعاره هفضحه على السوشيال ميديا، لأن إنتوا حرفياً بتسرقوا الناس، عشان يومين تلاتة جايين ينبسطوا فيهم فيالا تعالى أستغلك وأطلع كل الفلوس اللي في جيبك، يعني إيه عيل صغير يروح يجيب إزازة مياه بـ200 جنيه، هي مياه من الجنة!".

وكانت جوري بكر قد أثارت الجدل الأيام الماضية بعد أن نشر حسابها على "إنستغرام" منشوراً عبر خاصية القصص المصورة الملحقة به، جاء فيه: "وجعل بينكم مودة ورحمة... تم الانفصال بيني وبين الراجل المحترم زوجي وبتمنى له كل خير... أرجوكم مش عايزة حد يتواصل معايا في أي تفاصيل لأني مش هرد على مكالمات... شكراً"، كما حُذفت كل الصور الخاصة بها مع زوجها وصور حفل زفافهما".

إلا أنها بعد ساعات قليلة من نشر خبر انفصالها عن زوجها، فوجئ الجمهور بحذف المنشور لتؤكد جوري بعدها أن لا صحة لما تم تداوله بخصوص انفصالها عن زوجها، وأن حسابها في "إنستغرام" تم اختراقه، وأنها لم تكن تعلم بأي شيء عن هذا الأمر، وعبّرت جوري عن غضبها الشديد من انتشار هذه الأخبار.