كشف مطرب التسعينيات إبراهيم عبد القادر عن تعرضه للاعتداء بسلاح أبيض من جانب شاب، حاول المطرب منعه من ارتكاب فعل فاضح في الطريق العام.

وتحدث عبد القادر عن حالته الصحية بعد الاعتداء عليه فقال: "حالتي الصحية أصبحت بخير الحمد لله، ولكن كانت هناك إصابة باليد اليسري، لأن الولد اعتدى عليا وأنا مكنتش شايف إيده وكان معاه آلة حادة صغيرة".

وأضاف: "أنا طلعت برة لقيت أحد جيراني بيتخانق ولقيت شاب بيضرب راجل كبير، فطبعاً ده ميرضنيش ونهيت الاشتباك ما بينهم، وقعدت أنصح الشاب ده بدون تطاول ولا ألفاظ نابية، ولما سألت جاري هو حصل إيه؟ قاللي إن الشاب ده كان بيحاول يعمل شيء غير لائق مع بنت، والكلام ده كان قدام بيتي والموقف كان صعب".

وأردف بالقول:" قلت للشاب ده المفروض إنك ماتجادلش في موقف زي ده وتحط دماغك في الأرض، وتاخد البنت وتمشي إنما إيه الجبروت اللي أنت فيه ده وقلت له طب حافظ على نفسك وعلى البنت... لقيته جه ليا بشويش كده والتفت ليا وضربني بقبضة إيده وأنا كنت بإيدي الشمال بتفادى الضربات، واعتدى عليا بسلاح أبيض وصابني في إيدي اليمين".

وأكد إبراهيم عبد القادر أنه أُصيب بجروح بالغة في يده جرّاء الاعتداء عليه قائلاً: "لقيت قطع في اليد اليسرى خمسة سنتيمتر وغرز وخياطة، وأنا أصلاً نزفت بغزارة شديدة، وكل الجهات المختصة اتخذت الإجراءات اللازمة".

وكشف عبد القادر عن تغريم المتهم بالاعتداء عليه 5 آلاف جنيه، وإخضاعه لمحاكمة عاجلة الأسبوع المقبل.