أمال رمزي تروي أسرار زيجاتها واكتشافها خيانة أحد أزواجها

17 تموز 2023 | القاهرة – "لها"

آمال رمزي

بعد غياب طويل عن الظهور الإعلامي، كشفت الفنانة اَمال رمزي في تصريحات إعلامية الكثير من أسرار حياتها الشخصية وعدد زيجاتها، كما تحدثت عن اكتشافها خيانة أحد أزواجها.

قالت اَمال رمزي: "أنا أرملة لبطل من أبطال الصاعقة، وده حبني الحب الحقيقي، ومرة الأسانسير عطل في عمارات الضباط فشالني وطلّعني الدور السادس، وكان من البيت للجامع ومن الجامع للبيت وعمّه الفريق صدقي صبحي، وعلشان كده مش هتجوز بعده ولا بفكر في الزواج واللي اتقال إني عايزة أتجوز مش صح".

وعن رأيها في عمليات التجميل، قالت: "أنا مع إني أعمل حقنة بوتوكس بس أرفض جراحات التجميل، أنا كل لما يجيلي شغل بآخد حقنة بوتوكس عند دكتور متخصص".

وحول عدم إنجابها، قالت رمزي: "مندمتش على عدم الإنجاب علشان أخويا سابلي ولاده أربيهم ومحستش إني اتحرمت من الأولاد ومعوضني إحساس الأمومة".

وعن زيجاتها السابقة واكتشافها خيانة زوجها الأول، قالت: "كمال صلاح الدين زوجي الأول واتجوزته وأنا عندي 17 سنة، وانفصلت عنه بعد سنتين ونص لما اكتشفت إنه بيخونّي، واتأكدت إنه بيخون لأنه كان مرتبط براقصة، وقفشته في الشقة وكانت معايا أرملة بليغ حمدي وهي اللي قالت لي إنه بيروح يجيبها من الكازينو وقفشتهم في المكتب في وضع الخيانة". وأضافت: "لا أسامح في الخيانة وما قدرتش أسامح كمال صلاح الدين بعد خيانته ليَّ خاصة إني اتجرحت لما قفشته بيخونّي، والموضوع كان منتشر في الوسط الفني".

وأردفت بالقول: "كان بيخونّي كمان مع امرأة خليجية كانت بتنزل مصر مخصوص له وقفشتهم، وعلشان كده قررت أنفصل عنه، ما ينفعش يخونّي وأفضل معاه".

واختتمت آمال رمزي حديثها مؤكدةً: "اتجوزت أربع مرات وفي المرة التانية جوازي استمر 20 سنة وكان راجل كويس أوي لدرجة إنه أنتج ليَّ أفلام كويسة وهو كان مهندس ومقاول كبير وكان بيحبني وبيغير عليَّ أوي، وكان بيطلبني في البيت علشان يتأكد من وجودي، وحبني أنا وأسرتي".