نشرت الفنانة الشابة ميرنا هشام نجمة "أراب آيدول" عبر حسابها الخاص في "فيسوك" مقطع فيديو، علّقت من خلاله على الأخبار التي انتشرت خلال اليومين الماضيين حول انتحارها ووضع حدّ لحياتها، ما جعلها تتصدّر مؤشرات البحث في مختلف مواقع التواصل الاجتماعي.

وقالت ميرنا خلال الفيديو: "أنا عايزة أطمنكو أنا كويسة، وإني منتحرتش وأي حد فعلاً عارفني عمره في حياته ما هيتخيل إني أعمل حاجة زي كده، لكن كل الحكاية إني تعبانة شوية بس مش لدرجة إني أنتحر خالص، أنا بقيت أحسن ولو أنا مختفية بقالي فترة، فأنا بس تعبانه نفسياً، وتعبي النفسي أثّر عليّا جسدياً زي أي حد ممكن يحصله حاجة زي كده".

وأضافت: "بس ادعولي إني ابقى كويسة وأنا كويسة، كلنا بلا استثناء بنمرّ بفترة مش كويسة، بس بنعدّي وعادي، وأنا مريت بالفترة دي وهعدي ومتعودة على كده، بس أنا معرفش الموضوع كبر كده إزاي، أنا آسفة لكل حد كلّمني وأنا قافلة موبايلي، مش قادرة أرد على حد خالص فعلاً، ادعولي أبقى كويسة بس، وأوعدكم هبقى كويسة وأنا بخير ومفيش حاجة من الكلام ده خالص".

وبمجرد نشر الفيديو، هاجم عدد من نشطاء مواقع التواصل الاجتماعي ميرنا هشام، متّهمين إياها بالبحث عن التريند، وأنها تعمّدت نشر أخبار اختفائها ومحاولة الانتحار حتى تتصدّر بها محركات البحث.