شن المطرب والملحن عمرو مصطفى هجوماً حاداً على المطرب رامي جمال، بعد تصريحات الأخير في برنامج "حبر سري" والتي وصفه فيها بالنرجسي.

وهدد عمرو بمقاضاة رامي في حال ذكر اسمه مرة أخرى في أي لقاء له، حيث كتب في منشور عبر حسابه الخاص على "فيسبوك": "هو أنا أترككم تتعدوا بشكل غير قانوني على ألحاني يعني ولحن تم غنائه في برنامج على الهواء خدته وعملت منه أغنية وصورتها وفي الآخر طالع تقول عليا نرجسي نحن في زمن يصدق فيه الكاذب ويكذب فيه الأمين".

وأضاف: "أقسم بالله لو شفتك في أي مكان أنت وأشكالك لن تجدوا مني غير نظرة احتقار وإوعي تجري تسلم عليا زي ما عملت قبل كده علشان ههزأك وإوعي تجيب اسمي تاني في مكان علشان هقاضيك أنت وكل اللي شبهك مطربي الدرجة الخامسة، زمن الرويبضة".

وكتب عمرو منشوراص آخر شن خلاله هجوما حادا على منتقديه، حيث كتب قائلاً: "أنا نرجسي، وأنا مغرور، وأنا منفصل عن زمايلي، وفي حالي ومش بكلم حد في الوسط".

وأضاف: "ارتاحوا بقى وبطلوا تذكروا اسمي في كل مكان، اقعدوا اعملوا لجان في كل حته تطلع تشتمني، وبرامج مخصوص لمهاجمتي، كل ده لأني لازم أكون منافق وأشكر في ناس منافقة، علشان صورتي تكون كويسة قدام الناس".

واختتم تصريحاته النارية قائلاً: "طيب أنا عايز صورتي تكون وحشة ارتاحوا بقى".

وكان رامي جمال قد علق على التصريحات التي أطلقها عمرو مصطفى بخصوص زملائه، منتقدًا طريقة الأخير في توصيل الحديث، قائلاً: "في نوع من النرجسية أنا مش بحبه، وفي فرق بين إنك واحد من الملحنين العباقرة اللي التاريخ مش هينكرهم، لكن لسة مين مزعلتوش؟".

وأضاف: "كفاية، عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبر بعض أحسن".