نجم "ذا فويس كيدز" يتراجع عن قرار الاعتزال ويعتذر عن هذا الأمر

مثلما فاجأ خالد الفايد نجم برنامج "ذا فويس كيدز"، جمهوره بقرار اعتزاله الفن واتجاهه الى الإنشاد الديني وتلاوة القرآن، عاد من جديد ليفاجئ الجمهور بتراجعه عن قرار الاعتزال.

وكشف الفايد تفاصيل اعتزاله وابتعاده عن مجال الغناء، مشيراً إلى أنها كانت أيام سوداء في حياته، بالقول: "مش أي حد يربّي دقنه أو بيحفظ أو يدي درس في الدين يبقى شيخ، فيه مرجع إسلامي لينا وهو الأزهر ده اللي نرجعله دايماً ونروحله على طول، الباقي مُدّعين، ومعظمهم باحثين وقارئين مش أكتر، واتعلمت إني أعمل اللي بحبه وأسيبني من الناس".

وعن خطّته خلال الفترة المقبلة، قال خالد الفايد: "مركّز دلوقتي لو اتصالحت مع أستاذ هاني محروس أركز في شغلي وحياتي وألتزم وأصلّي، ولو مقبلش بالصلح واعتذاري من حقه، كفاية إني خرجت من الفكر اللي كنت فيه".

وأضاف: "عايز أقول إني لما بطّلت كنت مخلص جداً ولا كان في نيتي أي تريند والموضوع طلع لوحده تريند أول مرة ومش بسعى له ودي حاجة بتاعة ربنا ودلوقتي لما سألت وعرفت والناس كويسة دلّتني على الصح، تفكيري بيتغير، الواحد كل فترة تفكيره بيتغير".

واختتم خالد الفايد بالقول: "عايز أقول إن الاعتذار مش غلط ومش عيب، الواحد كان فاهم حاجات غلط ومر بفترة محدش مر بيها غيره وطبيعي الناس متفهمش وتشوف الظاهر من بره وإنه واحد كان ملتزم ورجع، مفيهوش إدانة لأي حد وكل الناس بتعمل اللي بتحبه".