بعد إعلان اعتزالها... منى فاروق تستغيث: "مش عارفة أدفع إيجار بيتي أبوس إيديكم عايزة أشتغل"

بعد ساعات قليلة من إعلان اعتزالها الفن وإثارتها جدلاً واسعاً عبر مواقع التواصل الاجتماعي بإنهاء مسيرتها الفنية بسبب عدم عرض الأعمال الفنية عليها، تراجعت الفنانة منى فاروق عن تصريحاتها مؤكدةً أنها كانت تقصد اعتزال السوشيال ميديا وليس الفن بشكل عام.

وتحدثت منى عن حقيقة اعتزالها الفن، من خلال منشور عبر حسابها الخاص في "إنستغرام" قالت فيه: "مساء الخير الكلام اللي بقوله ده خارج خالص عن فكرة إني آخد الترند وأعمل زي أي حد أنا قولت اعتزال الفن لسبب واحد هو بس هو ده مصدر رزقي الوحيد اللي أنا بحبه وعاوزة اشتغله، لكن لما أوصل لمرحلة إني مش عارفة أدفع إيجار بيتي حاجة تتعب... أنا محتاجة أشتغل عشان أعيش زي أي بني آدمة طبيعية... أنا غلطت وربنا بيسامح... ليه البني آدمين مش عاوزين يسامحوا".

وأضافت: "أنا بسمع بودني لا بلاش منى عشان الفيلم والدعاية متضرش الفيلم أو المسلسل... ليه يا ربي أنا بقيت منبوذة من كل الناس أنا مش طالبة غير أشتغل في الحاجة اللي بحبها عشان أعرف أعيش... المجتمع حاططني في المكان الوحش بس مش يمكن عاوزة أبقى كويسة زي أي واحدة ليه بتقفلوه قدامي في كل حاجة... عشان كده أنا بناشد الدكتور أشرف زكي والأستاذ أشرف عبد الباقي وشركات الإنتاج محتاجة الشغل... عاوزة أعرف أعيش ولما قلت قرار اعتزال من أجل لو حد شافني باشتغل في محل لبس أو أي شغل ميقولش إيه ده... والله مش طالبة غير أشتغل... أبوس إيديكم عاوزة أشتغل".