نشرت خبيرة التجميل أسما شريف منير، على حسابها الخاص بـ"إنستغرام" صورًا لها باللوك الجديد من حفل افتتاح مهرجان القاهرة للدراما في مدينة العلمين.

وعلقت أسما على الجدل المثار حول حلاقة شعرها، الأمر الذي تصدرت بسببه مؤشرات البحث في جوجل ومختلف مواقع التواصل الاجتماعي، قائلة: "طيب أول حاجة شكرًا على كل ردود الفعل، الوحشة والحلوة كلها، ساعات مواقف زي دي بتخلي ناس تشوف ناس تانية عاملين إزاي مجرد إنهم بيعبروا عن رأيهم، وشكرًا لكل الناس اللي كانت خايفة وقلقانة عليا، ممكن بقي أقولكم الحكاية من وجهة نظري ببساطة".

وأضافت: "أولًا الحكاية جت بالصدفة جدًا وكان قرار لحظي وانفعالي جدًا ومش ندمانة عليه، تاني حاجة أنا مش بعمل كده عشان أطلع ترند بس كنت عارفة إني هبقي ترند، في فرق كبير بين عايزه وعارفة، على فكرة الترند ده نقمة مش حاجة حلوة خالص بس مش هدخل في الجدل ده دلوقتي".

وتابعت: "تالت حاجة أنا الحمد لله كويسة ومبسوطة ومش واخدة الخطوة دي بسبب اكتئاب خالص بالعكس، دي صفحة جديدة حلوة مليانة تفاؤل وقوة وإرادة وتحدي وجرأة وشجاعة وكل حاجة إيجابية في الكون، أنا فعلًا من فترة كنت بمر بمرحلة صعبة جدًا بس كنت في رحلة بقالي شوية بتعافي منها وبقف على رجلي من الأول وكان آخرها رحلة دهب، فتاني بالعكس ده مش اكتئاب ده مرحلة انتقالية مؤمنة إني هحقق فيها حاجات كتير.

واختتمت أسما شريف منير حديثها قائلةً: "آخر حاجة الجماعة اللي مكبرين الموضوع ده شعري مش شعرك، حاجة كده بجد أخيرة أنا عاجبني شكلي جدًا بصراحة، شكله جامد ومديني ثقة في نفسي جدًا، بحبكم أوي بجد".