مؤلف مسلسل أحمد فهمي يردّ على تكذيب والدة ضحية "سفّاح الجيزة" لصنّاع العمل

بعد عرض أول حلقتين من مسلسل "سفاح الجيزة" للفنان أحمد فهمي، أثارت والدة نادين أول ضحية للسفّاح وشقيقتها جدلاً كبيراً بعد تكذيبهما أحداثاً عدة في العمل، مؤكدتين أن صنّاع العمل لم يتواصلوا معهما، وأن المسلسل تضمن معلومات كثيرة خاطئة.

وفي ردّه الأول على تكذيب والدة ضحية السفاح الأولى وشقيقتها، قال مؤلف العمل محمد صلاح العزب: "إحنا مش بنعمل عمل توثيقي أو فيلم تسجيلي عن السفاح عشان نحتاج نكلم أهله، ونعرف تفاصيله، إحنا مش بنعمل حاجة متعلقة بحياته الحقيقية، إحنا بنعمل عمل درامي هو بالكامل من خيال المؤلف، لكن مُستند على وقائع حقيقية وهي جرائم السفاح، فإحنا بنعمل عمل فني وبنرسم شخصية درامية ملناش دعوة بحياته هو".

وأضاف: "إحنا بالفعل جبنا الوقائع الحقيقية دي من تحقيقات النيابة، ومن الحوارات الصحفية اللي أهالي الضحايا طلعوا فيها ووضحوا القصة بالتفاصيل، وده كان بيدينا كم هائل من المعلومات الكافية اللي تخلينا نعمل المسلسل، إلى جانب إن السفاح نفسه طلع ومثّل الجرائم واعترف بشكل كامل".

واختتم العزب بالقول: "بالتالي إحنا معانا المعلومات اللي تفيدنا، ومكنش في احتياج للتواصل معاهم، بالإضافة إلى إننا مكناش عايزين نقلّب المواجع تاني على أهالي الضحايا، ونروح نقولهم إحنا بنعمل مسلسل عن الراجل اللي قتل قرايبكم فيحسوا إن دي حاجة هتمجده، أو إن ده هيفتح جراحهم تاني، فكنا حريصين جداً على مشاعر أهالي الضحايا".

مقالات ذات صلة

أحمد فهمي يكشف تفاصيل رسالة هنا الزاهد له بعد الطلاق (فيديو)

أحمد فهمي يحسم جدل ارتباطه بأسماء جلال (فيديو)

أحمد فهمي نجوم الفن مشاهير الفن مسلسل سفاح الجيزة محمد صلاح العزب