نشرت الفنانة هيدي كرم عبر حسابها الخاص في "إنستغرام" مقطع فيديو ودّعت به إجازة هذا الصيف والتي أمضتها في الساحل الشمالي.

وظهرت هيدي في الفيديو بلقطات من إحدى سهراتها في الساحل الشمالي وهي ترقص على أنغام أغنية "هرمون السعادة" للفنان تامر حسني، والتي وضعتها خلفية للفيديو.

وكانت هيدي كرم قد أثارت جدلاً بين متابعي حسابها على "إنستغرام" بعدما نشرت مقطع فيديو تحدثت فيه عن مشكلة واجهتها مع كل الرجال الذين تعرفهم.

وقالت هيدي في الفيديو: "كنت فاكرة إن أبويا هو الوحيد اللي عنده العيب ده، أو جوزي أو ابني أو صاحبي، لكن لقيت إن كل الرجالة عندهم نفس العيب، يبقى ده عيب متأصل وأصيل عند الرجالة". وأضافت: "الست لا يمكن تطلب طلب والراجل اللي في حياتها ينفذه إلا بعد ما تزن 3 سنين على الطلب، سواء حاجة هو هيصلحها أو هيجيب سباك أو كهربائي أو نجار يصلحها، أيا كان الطلب ده هياخد وقت بين شهرين وسنة ونص".

واختتمت بالقول: "نفسي أفهم ليه لما الست تطلب طلب يخص الصيانة تاخد الوقت الهستيري ده علشان الراجل اللي في حياتها يستجيب لها، إحنا مش هنبطل زن وهنفضل وراكم... الموضوع ده حرق قلبي وزهقت وتعبت وبعاني منه لدلوقتي، ارحمونا واعملوا الحاجة من أول مرة، وريحونا وريحوا نفسكو".