كشفت المخرجة منال الصيفي تفاصيل الحالة الصحية لزوجها الفنان أشرف مصيلحي، بعدما نُقل للمرة الثالثة إلى المستشفى، لتغيير بعض الأجهزة المتصلة بجسمه.

وقالت الصيفي: "إحنا رحنا المستشفى إمبارح علشان نغير الأجهزة اللي متركبة في جسمه، لأن في منهم اللي بيتغير في البيت وفي اللي لازم يتغير في المستشفى". وأضافت: "وضعه الصحي ثابت هو مش في وعيه، ولا في غيبوبة، هو بينام ويفتح عينيه ولكن مبيتكلمش ولا بيتحرك ولا بياكل ولا بيشرب، وإحنا بقالنا كده 3 سنين، ونوع سرطان المخ اللي عنده من النوع الشرس مفيش له علاج".

وأكدت الصيفي أن هناك فريقاً طبياً كاملاً وممرضين، يلازمون زوجها للاهتمام بحالته الصحية والحد من تدهورها، بالقول: "عاملة عناية مركزة في البيت وعنده الدكاترة والممرضين بتوعه موجودين معاه على طول، ومقيمين معاه في البيت".

وكانت المخرجة منال الصيفي قد أعلنت عن مرض زوجها في تصريحات سابقة أكدت فيها أنه مصاب بسرطان في المخ وأنها أخفت عنه وعن أولاده حقيقة مرضه لئلا تسوء حالته النفسية.