وجهت الفنانة يسرا، عبر خاصية القصص المصورة الملحقة على حسابها الخاص بـ"إنستغرام"، رسالة دعم للفنان أشرف مصيلحي، في أزمته الصحية التي يمر بها خلال الفترة الحالية.

ونشرت يسرا صورة لأشرف وعلقت عليها قائلة: "ربنا يشفي صديقي العزيز اللي من أطيب الناس اللي قابلتهم، الشخص الجميل الموهوب، تلميذ يوسف شاهين، ربنا يقومك بالسلامة ويرجعك لمراتك الجميلة منال، وأولادك، ولكل جمهورك، أشرف مصيلحي".

وكانت المخرجة منال الصيفي زوجة أشرف مصيلحي قد كشفت عن وقوف عدد كبير من نجوم الفن بجانبها في أزمة مرض زوجها الفنان أشرف مصيلحي حيث عبّرت عن امتنانها لأصدقائها وأصدقاء زوجها من الوسط الفني، وذلك لدعمهم له منذ إصابته بالسرطان قبل ثلاث سنوات، موضحة أنهم لا يزالون يعرضون المساعدة رغم عدم حاجتهم إليها.

وقالت الصيفي: "ألف حمد وشكر لله إن أشرف مصيلحي ربنا محوجهوش لحد، النقابة بتدخل وبتساعد وبتقول ده حقه، والناس في الوسط بتاعنا كويسين جداً، وأمير كرارة قالي ابعتيلي رسالة وأنا مش هقول لحد، ومحمد هنيدي والله جابلي شوال فلوس، الحقيقة أنا ساعات بقعد أعيط؛ لأني مش مصدّقة حب أصدقائه ليه".

وأضافت: "منة شلبي كلّمتني وهي بتصوّر في لبنان وبعتت دكاترة على البيت وكانت بتدّيني نصائح، أنا بشكرهم كلهم وحقيقي هما عزوة وسند، مفيش حد مبيتصلش يسأل عليه ويحب يساعد، الدنيا فيها ناس كتير كويسة... أول يوم أعلنت فيه إن أشرف عنده سرطان هو مكنش مستوعب حاجة خالص والدكتور قال إنه في دنيا تانية، وأشرف مكنش يعرف طبيعية الورم اللي عنده، حتى الكيمياوي كان بياخده حبوب وكنت بقوله إن ده دواء علشان الورم ميبقاش خبيث".

وعبّرت منال الصيفي عن غضبها، بشأن اتّهامها بالتسبّب في مرض زوجها الفنان أشرف مصيلحي، قائلةً: "ناس قالوا ليه مقالتش عن مرضه ومعالجتهوش وضيّعته وقالوا يا حرام مراته معالجتهوش، الموضوع بيضحّكني ومش قادرة أفهم بيفكروا إزاي، ما تحطوا نفسكم جنب مراته وأولاده وشوفوا عايشين إزاي؟ ولكن ربنا كبير وربنا يشفيه".