إبنة رانيا يوسف تهاجم بقسوة والدها محمد مختار

هاجمت نانسي ابنة الفنانة رانيا يوسف خلال تصريحات إعلامية، والدها المنتج محمد مختار، مؤكدة أنها لا تريد منه أي شيء، وأن اختيارها ووالدتها للملابس شيء يخصهما، وأنها لا تهتم بآراء الجمهور.

وأضافت نانسي: "مش بتضايق خالص وشكلي حلو والفستان اللي لبسته من مامي شكله حلو على الريد كاربت ومش ببص للانتقادات".

وأردفت: "هي أطيب إنسانة في حياتي مش بقول كده عشان هي مامتي لكن عشان هي صاحبتي وأختي وكل حاجة في حياتي، وبقالي معاها 20 سنة في الحياة كل يوم".

وتابعت: "أنا مش عايزة من محمد مختار حاجة، مش عايزين منه أي حاجة، حتى لو فيلم أو مهرجان أو أي حاجة، أنا كنانسي مش عايزة منه أي حاجة".

وعن إمكانية خوضها مجال التمثيل، أضافت: "لو الورق حلو وأنا عاجبني الموضوع هشارك، ولكن أنا مشروع مصممة أزياء أكتر".

وعبّرت الفنانة رانيا يوسف عن رأيها في اختيارات ابنتها للملابس، قائلة: "محدش له عندها حاجة تعمل اللي هي عايزاه، اللي مش عاجبه ميحبناش وميتابعناش، الدنيا بسيطة مفيهاش عُقد، هي تلبس اللي عايزاه وتعمل اللي عايزاه، وبناتي هما اللي بيظبطولي الستايل".