بالفيديو - حورية فرغلي تتحدث عن خطيبها الراحل وحياتها العاطفية بعده

حلت الفنانة حورية فرغلي ضيفة على أولى حلقات برنامج "In Deep with" الذي يقدمه الفنان تامر شلتون على قناته الخاصة بـ"يوتيوب"، حيث تحدثت عن تفاصيل حياتها مع خطيبها الذي توفي قبل زواجهما بأيام قليلة، مشيرة إلى أنها لم تحب أحداً بعده، مؤكدة أن هناك رجالاً أصغر منها في السن يعلنون لها عن حبهم.

وقالت حورية: "محبتش حد من 2002.. من بعد ما خطيبي اتوفى قبل جوازنا، مع إني سايبة نفسي خالص بس، خطيبي اللي مات كان 175 كيلو، وكان عنده مشكلة في رجله الشمال، ومع ذلك كنت بشوفه أحلى راجل في الدنيا".

وتابعت: "كنت ببص على اللي جوة، كل اللي برة هيروح، مش عايزة أشوف شكله، كفاية نكته اللي بتضحكني، وجوده في المكان، ريحة برفانه، من ساعتها بدور على راجل زيه مش لاقية".

وأضافت حورية: "قضينا سنتين مفيش بينا ولا خناقة، مضايقنيش، كنت لما بكسب في الفروسية ألاقيه جايبلي تورتة وبيحتفل بيا، طب أنا شوفت الحب ده وعاشرته عشان في الآخر يتاخد مني؟ طبعًا ربنا اللي عايز كده بس ساعات بسأل نفسي".

كما أشارت حورية فرغلي إلى أنها تُحَب كثيرًا من رجال أصغر منها سنًا، قائلة: "أنا بتحَب كتير من رجالة بتصدم لما بعرف سنهم، بيبقوا أصغر مني بكتير، وواحد كان لسة بيبعتلي رسايل حب كتير وفي الآخر عرفت إن عنده 22 سنة، قولتله قولي طنط يا روحي، راح قالي العمر مجرد رقم، وأنا عامةً معنديش صحاب، محدش بيعزمني على حاجة، لو حد عزمني هروح".