حورية فرغلي تخرج عن صمتها وتكشف اسم الفتاة التي ارتبط بها حسن شاكوش

خرجت الفنانة حورية فرغلي للمرة الأولى عن صمتها وكشفت تفاصيل الأزمة التي واجهتها خلال الفترة الماضية بعد الزجّ باسمها في أزمة طلاق مطرب المهرجانات حسن شاكوش وريم طارق، بعد تلميح الأخيرة بوجود علاقة بين زوجها وفتاة ثالث حرف من اسمها هو الراء، لذا ربط الجمهور بين حورية وشاكوش.

وردّت حورية فرغلي على هذا الكلام خلال تصريحات تلفزيونية قائلةً: "فيه مليون اسم اشمعنى حورية مسكتوا فيه؟ وأنا عمري ما شوفت شاكوش، بس بحب أغانيه، وزعلانة إنه طلّق ريم، لو مكانش فيه حب جامد بينهم مكنش هيكون في خناقاتهم، هي بتحبه أوي وغيورة عليه، بس هو مش عايز يبان قدام الناس إنه بتاع ستات".

وأضافت: "ريم المفروض كانت تتعلم إزاي تخلّي حسن ميبصش لحد غيرها، اللي اسمها سارة دي انتوا سافرتوا مع بعض وخرجتوا مع بعض، فمحبتش اسمي ييجي في حاجة زي دي، أنا زعلت إن الموضوع داخل في حتة الشرف، فلما تقولي اسمي هخرب لكم الدنيا".

وكشفت حورية فرغلي أنها ارتبطت بشخص، لكنها فوجئت بأن هذا الشخص نصّاب، سرق مصرفاً وسافر خارج البلاد، وخداع هذا الشخص لها عرّضها لأزمة نفسية. إذ قالت: كان فيه واحد مرتبط بيا، وطلع حرامي وسرق بنوك مصر وسافر، بصّيت ملقتوش كان فيه بينا مجرد تعارف، وأنا بستحمل أي حاجة إلا الخيانة، كل الرجّالة بيحبوا البنات اللي أجسامهم حلوة، الجمال عينيك هتاخد عليه وخلاص، لكن اللي بيفضل الروح والشخصية دا الأهم".

وكشفت حورية عن عشقها للتسوّق، وهوسها بشراء الملابس؛ حيث أشارت إلى أنها خصّصت غرفة كاملة لملابسها، وأثناء عودتها الى مصر من دبي، أوقفها أحد رجال الأمن في المطار، بعدما فوجئ بشرائها 302 بنطلون، حيث قالت: "رجعت من دبي بشنط كتير، فرجل الأمن وقّفني قاللي إنتِ جايبة 302 بنطلون يا مدام، قُلت له والله مش بتاجر بيهم دول بتوعي".

وأضافت: "عندي أوضة خاصة للهدوم، وأكتر حاجة بتضايقني إن البني آدم يكون ريحته وحشة، وأول حاجة بتلفت نظري للشخص أسنانه، الله جميل يحب الجمال، أنا بشوف ياسمين صبري ست جميلة جداً".