هالة صدقي تفوز بجائزة أفضل ممثلة وتُهدي التكريم إلى طفليها

وعلى هامش تكريمها في الحفل، عبّرت هالة عن سعادتها بتكريمها في لبنان، مشيرة إلى أنها تهدي التكريم الى والدتها وطفليها، بالقول: "تكريمي في الموريكس دور مش ليا لوحدي لأ لمصر كمان، وأهدي تكريمي لوالدتي اللي كنت أتمنى تشوفني النهاردة... ولأولادي لأنهم بيدفعوا تمن معاناة مهنتنا وساعات العمل الطويلة".

وعن تكريمها في حفل الـ"موريكس دور"- 2023، وحصولها على جائزة أفضل ممثلة عربية عن دورها في مسلسل "جعفر العمدة"، قالت هالة صدقي: "الجوائز مهمة وهي بالنسبالي تقدير معنوي وبتشعري إن الناس بتقول لك أنتي ماشية على الخط المضبوط، واللي بكون سعيدة به أكتر ويهمّني هو جائزة الجمهور". وأضافت: ""جعفر العمدة" على "تيك توك" حقق أربعة مليارات مشاهدة وده رقم مش قليل وعمره ما حصل في تاريخ الدراما، وبفرح بتكريم الناس ليا، وإنك تاخدي أي تكريم بره مصر فده يعتبر مش ليا بس ولكن لمصر، وأن ممثلة مصرية تحصد جائزة دولية عربية زي الرياضيين لما ياخدوا جائزة بيحطوا علم مصر، ودي مسؤولية كبيرة".