بعد الضجة التي أثارها الفنان فادي خفاجة بنشره فيديو تضمّن ألفاظاً خادشة للحياء وازدراء للدين، عبّر عن ندمه بسبب انهياره في بث مباشر لعدم عرض أعمال فنيه عليه خلال الفترة الماضية.

وقال خفاجة خلال مداخلة هاتفية مع برنامج "آخر النهار": "أنا مش قادر أقول حاجة غير إني كنت في لحظة ضعف وأرجو من الناس زي ما شايفين اني فنان أنا انسان ولو رجع بيا الوقت مش هعمل الفيديو ومش عارف أنا عملته ازاي وأنا بسعى بقالي كتير طول الوقت الناس بتقولي أنت فين احنا متربيين على ونيس".

وأضاف: "أنا لا حصلت فنان ولا انسان طبيعي وانا لو سبت الناس في حالي وقعدت لوحدي أنا معنديش إجابات وانا بتسئل السؤال دة في اليوم مليون مرة... كل الأساتذة الكبيرة اللي اشتغلت معاهم كانوا بيشكروا فيا ودة اداني امل وكنت بشوفه رسالة اني اقدم في المعهد العالي للفنون المسرحية واجتهدت واتخرجت بتقدير كل دة راح فين ولما تواجدت في مسلسل زي "الاختيار" كنت ضيف شرف ودة كان شرف ليا وانتظرت أن أبواب ربنا تتفتح... وبعد كل دة مفيش وانا مش عارف أنا مبشتغلش ليه واتحدى أن مخرج يقول اني أنا مبجيش في معادي، أو منتج يقول اني ناقشته في الأجر محصلش".

وعن مقابلته المخرجين من أجل الحصول على عمل، قال فادي خفاجة: "سعيت وروحت قابلت مخرجين بدون استدعاء وزمان كنا بنعرف نقابل المخرج دلوقتي لازم تبعت على الميل وتاخد معاد وحتى لو النظام دة كويس بس أنا مش عارف اتواصل معاه لأن وسط كل اللي بيتقدم أنا مش هظهر".

وأضاف: "اعز الزملاء ومواهب أكبر مني كلنا بنكلم بعض وبنسال ليه مش بنشتغل لكن أنا بعتذر ومكنش ينفع اللي أنا عملته لكن أنا حصل معايا حاجتين أنا جاتلي رسايل من أمام الكعبة ناس معرفهاش بتدعيلي وناس اخدت الفيديوهات وقطعتها وانا مكنتش متخيل أن ناس تعمل كدة".