كشفت الفنانة لوسي طريقة تعاملها مع الشائعات التي تتعرّض لها بين الحين والآخر، مؤكدًةً أنها تتجاهل كل تلك الشائعات ولا تهتم بها.

وقالت لوسي: "مش بهتم بالشائعات خالص، مرة يقولوا ماتت ومرة اتجوزت ومرة سافرت ومفيش ولا حاجة من دي خالص حصلت، ومبقتش أهتم بالإشاعات والحاجات دي، أنا ساعات لما بشوف خبر عن جنازتي بقعد أضحك أصلاً".

وعن رأيها في ترك الفنانين لمهنة الفن بسبب قلّة الأعمال المعروضة عليهم، قالت لوسي: "إحنا بنعتزل وبنرجع، لما تقعدي 8 سنين متقبليش عمل يبقى إنتي كده معتزلة الفن علشان مش لاقية حاجة كويسة تشتغليها". وأضافت: "في فنانين كتير زي الأستاذ لطفي لبيب قعد كذا سنة في بيته بعيد عن الفن ولما لقى شغل كويس رجع تاني وتراجع عن قراره واشتغل تانيِ... عشان كده نقطة الاعتزال مش بتكون بإيدك".

يُذكر أن آخر أعمال لوسي، مسلسل "المداح... أسطورة العشق"، الذي عُرض في الماراثون الرمضاني الماضي، حيث قدّمت دور الجنية هند بنت الأحمر، وضم العمل عدداً كبيراً من الفنانين، أبرزهم: حمادة هلال، محمد رياض، هبة مجدي، خالد سرحان، محمد عز، دنيا عبد العزيز، رانيا فريد شوقي، وهو من إخراج أحمد سمير فرج وتأليف أمين جمال.