تامر حسني عن إحدى أغانيه: "كنت أتمنى أن تأخذ حظها أكثر"

نشر الفنان تامر حسني على حسابه الخاص بـ"إنستغرام" صورة لبوستر أغنية "لينا حياة بعدين"، والتي قدمها منذ عدة سنوات ولم تحظ بالشهرة التي نالتها باقي أغانيه.

وعلق تامر على البوستر قائلاً: "أغنية لينا حياة بعدين من أحلى الأغاني اللي قدمتها وكان نفسي تاخد حظها أكتر من كده يا ترى تعرفوها؟".

وتفاعل مع منشور تامر الكثير من متابعيه الذين أكدوا أن الأغنية تعد بالفعل من أجمل أغانيه.

من ناحية اخرى، كان تامر حسني قد قدم عدة نصائح لجمهوره عبر منشور على حسابه الخاص في "فيسبوك"، حول كيفية تحقيق النجاح في الحياة المهنية، مشيراً إلى أن هناك مثلاً أعلى في حياة كل شخص منا، يأخذ منه كل النصائح.

وقال تامر في منشوره: "اللي ملوش كبير بيشتري له كبير، مقولة جميلة بس أنا من خلال رحلتي وقد إيه في قوة جبارة الإنسان بيستمدها من اللي بيحبهم بكل جوارحه... طبعاً كلامي عن النجاح العملي في العمل اللي تحبه".

وأضاف: "حبيت أقول المقولة بطريقة تانية، وهي اللي ملوش مثل أعلى، يشتري له مثل أعلى، والله والله والله لما بتحب حد ناجح، وتتأثر برحلته أو طريقته ونجاحه، فعلاً بتقدر تبقى زيه وممكن أحسن كمان... ممكن طبعاً تنجح من غير ما يكون عندك مثل أعلى، بس تركيزك بيبقى أقوى بكتير، مع مثال قدامك حي بيخليك تشوف رحلته قدامك، زي دليل ينورك على خطوات أنت متعرفش نتايجها، بس بتعرفها من خلاله بتشوف تفكيره في التطوير وتفكيره إزاي يتخطى الأزمات وتفكيره في المواكبة لكل مرحلة في حياته إزاي كسر سقف نجاحه، معلش بحب أوصلكم أي حاجة كويسة بتعلمها في حياتي".

واختتم تامر حسني منشوره قائلاً: "اللي ملوش مثل أعلى يشتريله مثل أعلى، يعني يدور ويركز مع حد يحبه ويتعلم منه، ومش شرط في مجاله ممكن تحب حد في مجال تاني، وتحاول تطبق مراحله في مجالك ده، كان كلام من واقع تجربتي، ورأيي الشخصي... ربنا يوفقكم كلكم وتوصلوا لأبعد من أحلامكم، وتبقوا أنتوا كمان مثل أعلى لناس بعدكم".