بالفيديو - حورية فرغلي تعلن تبرعها بكامل أرباحها

نشرت الفنانة حورية فرغلي عبر حسابها الخاص في "إنستغرام" مقطع فيديو أعلنت من خلاله عن تبرعها بأرباح البازار الخاص بها لأهل غزة، وذلك تضامناً منها مع القضية الفلسطينية.

وقالت حورية في الفيديو: "استنوني في بازار يوم 26 أكتوبر مع صديقتي، وكل أرباح البازار هتروح لأهل غزة".

وكانت حورية قد تفاعلت مع أحداث غزة الفترة الماضية حيث نشرت من خلال "إنستغرام" فيديو وجهّت من خلاله رسالة الى أهل فلسطين، قالت فيها: "أنا بعمل الفيديو ده تضامن مع شعب فلسطين الحبيب وقلبي كله حزن وبيتقطع من اللي أنا بشوفه، ويا رب فك كربهم وينصر أهلنا في فلسطين، الأطفال اللي بيموتوا مش ذنبهم حاجة والناس مش ذنبها حاجة اللي بتروح ضحايا من غير ما تعمل أي حاجة، معقولة الناس تروح ضحايا حد عمل حاجة غلط هما ذنبهم إيه الناس دي تموت، يعني انتوا بتحاسبوا شعب بسبب فئة غلطت حرام الناس اللي بتموت دي يا جماعة".

وأضافت: "أنا مليش في السياسة خالص ولا بتكلم فيها بس والله العظيم لأول مرة، لازم جامعة الدول العربية تتكلم وتعمل حاجة، واحد يحاسب البلد كلها، وحرام الأطفال اللي بتموت دي اللي مش ذنبها إنها جت الدنيا تخرج وتدخل الدنيا بمزجنا إحنا".

واختتمت حورية فرغلي رسالتها بالقول: "بصراحة أنا حزينة جداً جداً وبشوف الفيديوهات بتقطع وساعات مش بقدر أكملها بس لازم يكون فيه حل، ولازم الناس اللي تقدر تحل تحل بجد حرام اللي بيحصل ده وأنا بدعي ربنا إن الموضوع ده ينتهي".