حرصت الفنانة رشا سامي العدل على الاحتفال بذكرى ميلاد والدها الفنان الراحل سامي العدل، بكلمات مؤثرة، حيث كتبت عبر صفحتها الرسمية في موقع التواصل الاجتماعي "فيسبوك": "عيد ميلاد مين الليلة، عيد ميلاد قمر العيلة، أنت قمر حياتي، شمسها ونجومها، أنت المعنى الحقيقي للحياة وسبب وجودي في الدنيا، رغم إني زعلانة منك إنك سبتني كل السنين دي تايهة في غابة بي مش هاغلس عليك في عيد ميلادك".

وأضافت: "كل سنة وإنت حبّي الأكبر، كل سنة وإنت على بالي وفي قلبي قاعد متربع على عرشه، كل سنة وأنا بحبك واشتاقلك أكتر، فراقك صعب قوي علشان أنت مستحيل تتكرر تاني في الحياة".

واختتمت رشا سامي العدل منشورها قائلةً: "مالكش زي مالكش بديل، مش عارفة أعوض عدم وجودك ده مهما حاولت، نفسي قوي كنت تبقى موجود دلوقتي والله أجري عليك اترمي في حضنك وأنت لوحدك هاتفهم اللي جوايا كالعادة وحشتني يا ظهري وسندي كل سنة وإنت حياتي، الله يرحمك ويغفر لك يا قلب قلبي".