كشف الشاعر والسيناريست أيمن بهجت قمر عن رأيه في الخلافات التي تحدث بين النجوم، موضحاً أنه يرفض نشر أي خلاف بينه وبين أي شخص في العلن وعبر مواقع التواصل الاجتماعي.

وقال قمر خلال لقائه في برنامج "المساء مع قصواء": "الإنسان بظهر حقيقته وقت الزعل وبتعرف طبع اللي قدامك ومعدنه لما بتتخانق معاه، بيبان على أصله والوجه اللي هو لابسه بيتقلع في اللحظة دي، أنا مش مع فكرة الخصومة ولا مع فكرة إني اكتب على مواقع التواصل الاجتماعي وأطلّع أسرار بيتي". وأضاف: "أنا كان ليا تجربة مع حد قريبي كان بيطلع يغلط وحاولت البرامج تعمل معايا لقاء عشان أطلع أتكلم وأرد، ورفضت لأن عيب الحاجات الخاصة والعلاقات الشخصية محبش أتكلم فيها، لو مين طلع أتكلم عني عمري ما أرد عليه".

وخلال اللقاء، تحدث أيمن بهجت قمر عن أحداث غزة فقال إن إسرائيل تقدّم بعدوانها المتواصل على الشعب الفلسطيني دراما أقوى من أي عمل فني يمكن تقديمه في الفترة الحالية لإيقاظ الضمير العالمي. وأضاف: "لما الأساتذة الكبار وإحنا عملنا الأوبريتات والأغاني الوطنية كان هدفها التأثير في وجدان الأجيال الجديدة ودفعها للإيمان بالقضية، لكن ما شاء الله الجبروت والظلم والإبادة الجماعية اللي بيعملوها خلّت العالم كله يبدأ يلاحظ، من غير ما نحتاج نكتب أو نوصل للعالم".