خاص "لها" - حورية فرغلي تردّ على أخبار إجرائها جراحة جديدة في الأنف

وكشفت حورية في تصريح خاص لـ"لها"، حقيقة تلك الأخبار، حيث أكدت أن هذه الصورة كانت منذ ثلاث سنوات، قائلة: " أنا نشرت الصورة دي علشان أبين للناس أنا أد إيه قسيت في العمليات اللي عملتها، ودي كانت من آخر عملية عملتها في أمريكا من ثلاث سنوات".

وأضافت: "حبيت أقول للناس اللي بتقول إني عملت عمليات تجميل جديدة إن ده كان شكلي وقتها، وأنا هوريكم شكلي دلوقتي، فنزلت الصورة دي عشان بيقولوا إني بعمل عمليات تجميل، وأنا والله العظيم ما بعمل حاجة".

يذكر أن حورية فرغلي كانت قد أعلنت من خلال حسابها الخاص في موقع التواصل الاجتماعي "إنستغرام" عن تعاقدها على فيلم جديد بعنوان "ديجافو".

وقالت حورية في مقطع فيديو: "وحشتوني بقالي يومين مشفتكوش... أنا طالعة النهاردة أقولكوا أحلى خبر بقالي كتير منبسطش زي النهاردة، أنا لسة ماضية فيلم اسمه "ديجافو" والمخرج عيد العربي والمنتج أيمن فهمي".

وأضافت: "يمكن تستغربوا اشمعنا دلوقتي هدخل سينما، بس أنا كان معروض عليا أعمال سينمائية كتير ولكن مفيهاش جديد، وأنا قدّمت أدوار كتير لكن معملتش الدور دا قبل كده".

وأنهت حورية فرغلي حديثها، مؤكدةً أن دورها في فيلم "ديجافو" سيكون مختلفاً ومن أصعب الأدوار التي ستقدّمها.