بالفيديو - محمد التاجي يثير الجدل بدفاعه عن حقوق الرجال

خلال حلوله ضيفاً على برنامج "البيه والهانم"، الذي تقدّمه الإعلامية نورين شحاتة والفنان ممدوح الشناوي عبر شاشة "القاهرة والناس"، كشف الفنان الكبير محمد التاجي عن أمنيته بإنشاء جمعية خاصة للرجال للدفاع عن حقوقهم، كاشفاً عن نصيحته لبناته بعد الزواج، بالقول: "نفسي يتعمل جمعية لحقوق الراجل زي جمعية حقوق المرأة".

وعن رأيه في حل المشاكل الزوجية بين الرجل والمرأة، قال التاجي: "المشاكل هتتحل بين الراجل والست لما برامج التوك شو يخرسوا ويقفلوا بقّهم شوية".

وكشف التاجي نصائحه لبناته بعد الزواج، قائلاً: "بناتي من ساعة ما اتجوزوا قولتلهم يا ويلكم تيجوا تقولولي عندنا مشكلة مع جوزي أو متخانقة معاه أو تروحي تقولي لأمك أو هو يروح يقول لأهله والموضوع يخلص ما بينكم".

وسألت مقدّمة البرنامج نورين شحاتة الفنان محمد التاجي عن رفضه لزواج الشباب قائلة: "ليه مش عايز الشباب يتجوزوا؟"، ليردّ عليها: "عشان ميتحبسوش العيال تقعد في بيت أهلهم أفضل"، لتقول له نورين: "يعني أنت مش عايز الستات تتجوز وتقعد في البيت"، فيجيبها: "إنتوا عايزين تتجوزوا لأغراض تانية مش عشان إنشاء أسرة وعيلة، لأ لكن عشان تقلبي الراجل اللي هتتجوزيه وبعدين تودّيه سجن طرة أو وادي النطرون".

كما تحدثت نورين شحاتة عن الضرب الذي تتعرّض له الزوجات من أزواجهن، حيث سألت التاجي: "فيه رجّالة تانية بتضرب ومبتصرفش أومال القضايا اللي في المحاكم دي بتعمل إيه؟"، ليردّ عليها قائلاً: "أنتي بتقولي رجالة بتضرب، طب إيه اللي يخلي الراجل يوصل المرحلة دي؟ أكيد مش هيضربها من غير سبب وأكيد مفيش تبرير للضرب".

مقالات ذات صلة

تفاعل كبير مع البوسترات التشويقية الأولى لمسلسل "بالحرام"

محمد رمضان يكشف سبب استبعاده من حفل ختام "الأمم الإفريقية" (فيديو)

محمد التاجي نجوم الفن مشاهير الفن برنامج البيه والهانم ممدوح الشناوي