بعد رحيل الممثل طارق عبد العزيز المفاجئ، تحدث النجم شريف منير عن كواليس تصوير الراحل لمسلسل "وبقينا اتنين".

وقال النجم المصري في مداخلة مع برنامج "الحكاية" الذي يقدّمه الإعلامي عمرو أديب: "كان عندنا تصوير النهاردة في فيلا بأكتوبر الساعة 11 الصبح وطارق كان بيلعب شخصية "شريف" وكان موجود وكان في حالة تألق كبيرة ونفسية جيدة ونشيط وبيضحك وكل حاجة كانت ماشية بشكل طبيعي".

وأضاف: "في مشهد أنا بعمله هو وممثلة شابة بتيجي ترن جرس وهو بيفتح الباب وأنا بدخّلهم الكادر وهو في وسطنا وبيسبنا وبيخرج وعملنا بروفة وصورنا أول مرة المشهد وكان يقف بجانبي والمخرج قال عاوزين نعمله مرة تانية".

وأردف بالقول: "والمخرج بيقول أكشن جه طارق نحيتي وشوفت لونه بيروح وسند عليا وقعد على كرسي وسند دماغه على واحد واقف قصادي وقالي مش قادر أقف على رجلي وجسمه تغيّر لونه وبات أصفر وفجأة أبيّض وجسمه برد وحاولت أدلكله قلبه ولقيت عينه مرفوعة لفوق وفتحتله القميص وجيت اسمع ضربات قلبه مسمعتش حاجة... فسارعنا بنقله للمستشفى ولما روحنا الدكاترة قالولنا أنه وصل المستشفى متوفّي وأنا شفته وهو روحه بتطلع".