خلال لقاء صحافي لها على هامش حضورها فعاليات الدورة السادسة من "مهرجان الجونة السينمائي"، كشفت الفنانة بسنت شوقي عن رأيها في فكرة توصيل رسالة من خلال العمل الفني، بجانب رأيها في فيلم "فوي فوي فوي"، من بطولة زوجها الفنان محمد فراج.

وقالت بسنت: "مؤمنة إن الفن بيكون طاقة عند الفنان، سواء التمثيل أو الغنا أو النحت أو الرسم أو أي حاجة تانية... محدش بيرسم لوحة معينة عشان يوصل رسالة، الفن ده فطرة ربنا خلقها جوا الواحد بتخليكي تطلعي الحاجة، وبتخلي الناس تشوف نفسها فيكي". وأضافت: "ممكن حد من ثقافة تانية يحس بوجعي وألمي... والفن رسالته هي تواصل الناس مع بعض، إحنا في الآخر واحد، وأنا مش جاية أدي درس في الأخلاق ولا أقول صح ولا غلط ولا داخلة أصلح الكون".

وعن رأيها في فيلم "فوي فوي فوي"، أوضحت بسنت: "حبيت الفيلم من أول ما قرأت نصه، وكنت متوقعة نجاحه، وطلع أحلى ما كنت متوقعة".

يُذكر أنه يُعرض لبسنت شوقي حالياً مسلسل "العودة"، وهو يضم عدداً كبيراً من النجوم، أبرزهم: شريف سلامة، وليد فواز، تارا عماد، عصام السقا، تامر نبيل، حمزة العيلي...، ومن تأليف أمين جمال وإخراج أحمد حسن.