شهيرة تكشف سرّ حفاظها على جمالها ورشاقتها

كشفت الفنانة القديرة شهيرة عن سرّ احتفاظها بجمالها ورشاقتها، موجهةً النصائح للفتيات للحفاظ على شبابهن.

وقالت شهيرة: "طول عمري بحافظ على رشاقتي، وممكن حد يعمل حاجات سيئة في شبابه تخليه لما يكبر يعجز، زي التدخين ويبقى ليه أثر في الكبر واللي بيحافظ في شبابه على صحته بيلاقيها، وأهم حاجة إن روحه تبقى شباب، وصفاء ونقاء القلب، بينعكس على الوجه، وفي ناس بيبقى جواهم حقد وغل وبيبان على نفسهم، ولو الناس شايفاني حلوة بسبب التصالح مع النفس".

وعن أمنياتها في يوم ميلادها، قالت شهيرة: "أمنيتي إن مصر تكون بخير وفي أمان دائمًا، وربنا يحمي أبناء غزة؛ لأنهم بيعشوا مأساة بمعنى الكلمة، وإحنا مش في إيدينا نعمل حاجة غير الدعاء ليهم، ومابقتش بقدر أفتح التليفزيون وربنا يحميهم ويجعل ليهم مخرج من أزمتهم.

الجدير بالذكر، أن شهيرة قدمت العديد من الأعمال الفنية، ما بين السينما والدراما والمسرح تخطت 48 عملًا، وكان آخرها عام 2014، وهي مسرحية "مصر فوق كل المِحَن".